ఢిఫరెంట్ స్టైల్ ఉప్మా- పాలక్ ఉప్మా

Veg

oi-Saraswathi

By Sindhu

Published: Wednesday, February 13, 2013, 18:24 [IST]

ఉప్మా సౌంత్ ఇండియ టేస్టీ న్యూట్రిషినల్ బ్రేక్ ఫాస్ట్. చాలా మందికి ఉప్మా ఇష్ట ఉండదు. అందుకే ఉప్మాను వివిధ రకాలుగా...వెజిటేబుల్ మిక్స్ చేసి వండుకొని తింటుంటారు. కొంత మంది ఆకుకూరలు తినరు. అటువంటి వారికి తగినన్ని పోషకాలు అందించాలంటే ఇలా బ్రేక్ ఫాస్ట్ గా తయారు చేసే వంటల్లో ఆకు కూరలను చిన్నగా తరిగి మిక్స్ చేసి వండి వండించొచ్చు. దాంతో వారికి మంచి టేస్ట్ తో పాటు, పోషకాలు అందించిన వారు అవుతారు. ఈ పాలక్ ఉప్మా తయారు చేయడం కూడా చాలా సులభం. మన సాంప్రదాయ బ్రేక్ ఫాస్ట్ ల్లో ఒకటైన ఈ పాలక్ ఉప్మాకి పాలకూర తరుగును జత చేసి తయారు చేయాలి అంతే. రంగు రుచి అద్భుతంగా ఉంటుంది. ఆకుకూరలు ఎక్కువగా తినేవారు కొద్దిగా ఎక్కువగా వేసుకోవచ్చు.

కావలసిన పదార్థాలు:
బొంబాయిరవ్వ: 1cup
నీళ్ళు: 2cups
పాలకూర: రెండు కట్టలు(సన్నగా తరిగి పెట్టుకోవాలి)
నూనె: 2tbsp
నెయ్యి: 2tbsp
పుట్నాలపొడి(పచ్చిశెనగపప్పు): 2tbsp
టమాటగుజ్జు: 2tbsp
వేరు శనగగింజలు: 1/2cup
ఎండుమిర్చి: 2
కరివేపాకు: రెండు రెమ్మలు
పచ్చిమిర్చి: 3
అల్లం: చిన్నముక్క(తురమాలి)
మినపప్పు: 1tsp
ఆవాలు: 1tsp
జీలకర్ర: 1/2tsp
ఉప్పు: రుచికి తగినంత
నిమ్మరసం: 1tsp

తయారు చేయు విధానం:
1. ముందుగా ఫ్రైయింగ్ పాన్ స్టౌ మీద పెట్టి అందులో నూనె వేసి వేడిచేసి వేరుశనగగింజలు వేసి బ్రౌన్ కలర్ వచ్చేంత వరకూ అతి తక్కువ మంట మీద వేయించి తీసి విడిగా ఉంచాలి.
2. తరువాత అదే నూనెలో మినపప్పు, ఎండుమిర్చి, ఆవాలు, జీలకర్ర, కరివేపాకు వేసి వేయించుకోవాలి.
3. తరువాత అందులోనే పాలకూర తరుగు కూడా వేసి కొద్దిగా మగ్గనిచ్చి టమాటాగుజ్జు, పుట్నాలపొడి, సరిపడా ఉప్పు వేసి రెండు కప్పుల నీళ్లు పోయాలి.
4. ఇప్పుడు నీళ్లు మరిగే సమయంలో రవ్వను పోసి వేరుశనగగింజలు వేసి బాగా కలుపుతూ మంట తగ్గించాలి. రవ్వ మగ్గిన తరువాత పాన్ పక్కకు దింపుకొని నిమ్మ రసం చిలకరించి కలిపి మూతపెట్టాలి.
5. అంతే పాలక్ ఉప్మా రెడీ..దీన్ని పప్పు పొడి, కొబ్బరి చట్నీ, అల్లం చట్నీ ఏదైనా ఈ ఉప్మాతో తింటే చాలా రుచిగా ఉంటుంది.