పచ్చిమామిడికాయ తురుము పచ్చడి

ఇది మామిళ్లకాలం ... లేత మామిడికాయలు మార్కెట్లోకి వచ్చాక మరో కూరగాయ ఏదైనా వంటింట్లోకి రావాలంటే వెనకా ముందు చూసుకోవాల్సిందే! ఏ కూర వండినా మామిడికాయను జత చేస్తే కొత్త టేస్ట్‌తో ఇంటిల్లిపాది నోళ్లు ఊరాల్సిందే! సి విటమిన్‌తో పాటు వేసవిలో ఒంటికి చలువ చేసే పచ్చిమామిడితో పప్పు, పులుసే కాకుండా బోలెడన్ని వెరైటీ వంటలు చేసుకోవచ్చు. సంవత్సరమంతా తినే మాగాయ, మెంతావకాయల్లాంటి ఊరగాయలకు ఇంకా టైముంది కాని ప్రస్తుతానికి ఐదు నిమిషాల్లో తయారయ్యే పచ్చిమామిడి పచ్చడి రుచిని ఆస్వాదిద్దాం.

కావలసినవి పదార్థాలు:
పచ్చిమామిడి తురుము: 2cups
ఆవపిండి: 1tbsp
కారం: 2tsp
వేగించిన మెంతులు: 2tps
ఉప్పు: రుచికి తగినంత
నువ్వుల నూనె: 5tbsp
తాలింపుకు:
ఆవాలు: 1tsp
మినప్పప్పు: 1tsp
శెనగపప్పు: 1tbsp
మెంతులు: చిటికెడు
ఎండు మిరపకాయలు: 2
ఇంగువ: కొద్దిగా
కరివేపాకు: రెండు రెబ్బలు
నూనె: సరిపడా

తయారుచేయు విధానం:
1. మామిడికాయ ముక్కలు, కారం, ఆవపిండి, మెంతి పిండి, ఉప్పు, నూనె అన్నీ ఒక గిన్నెలో వేసి కలియపెట్టాలి.
2. తర్వాత మరో గిన్నెలో అర టేబుల్ స్పూను నూనె తీసుకుని వేడి చేసిన తరువాత ఆవాలు వేసి చిటపటమనేటప్పుడు మెంతులు, పప్పులు, ఎండుమిరపకాయ ముక్కలు వేసి పప్పులు ఎరుపు రంగులోకి వచ్చే వరకు వేగించాలి.
3. స్టౌవ్ ఆపేసే కొన్ని సెకండ్ల ముందు కరివేపాకులు, ఇంగువ వేసి కలియపెట్టాలి.