ట్రెడిషినల్ బ్రేక్ ఫాస్ట్ -బియ్యం రవ్వ ఉప్మా

Published: Thursday, January 24, 2013, 11:29 [IST]

ఇండియన్ బ్రేక్ ఫాస్ట్ లో ఉప్మా చాలా ప్రసిద్ది. అతి తక్కువ సమయంలో తయారైపోవు బ్రేక్ ఫాస్ట్ ఉప్మా. సాధారణంగా ఉప్మాను ప్లెయిన్ గా ఎప్పుడూ వండుతుంటారు. అప్పుడప్పుడు కొన్ని వెజిటేబుల్ వేసి తయారు చేసుకొంటుంటారు. ఉప్మా కూడా వివిధ రకాలుగా చేస్తారు. సేమియాతో, రవ్వతో చేస్తుంటారు. బియ్యం రవ్వతో చేసే ఉప్మా చాలా రుచిగా ఉంటుంది. మరియు ఆరోగ్యం కూడా.. చాలా సులభంగా, సింపుల్ గా తయారు చేసేయవచ్చు. మరి మీరూ తయారు చేసి చూడండి...

కావల్సిన పదార్థాలు:
బియ్యం రవ్వ : 2 cups
పెసరపప్పు: 1/4 cup
నీళ్ళు: 4 1/2 cups
పచ్చిమిర్చి: 3 - 4
ఉప్పు: రుచికి సరిపడా=
పోపుకోసం:
నూనె: 4 tsp
ఆవాలు: 1/4 tsp
ఉద్దిపప్పు: 1/4 tsp
పచ్చిశెనగపప్పు: 1/2 tsp
జీలకర్ర: 1/2 tsp
కరివేపాకు : రెండు రెమ్మలు

తయారు చేయు విధానం:
1. ముందుగా బియ్యాన్ని శుభ్రం చేసి రెండు మూడు గంటల పాటు నీటిలో నానబెట్టుకోవాలి. తర్వాత నీటిని వంపేసి పొడి కాటన్ వస్త్రం మీ బియ్యాన్ని ఆరబెట్టాలి. బియ్యం ఆరిన తర్వాత మిక్సీలో వేసి రవ్వలా గ్రైండ్ చేసుకోవాలి.
2. తర్వాత స్టౌ మీద పాన్ పెట్టి నూనె వేసి కాగిన తర్వాత అందులో ఆవాలు వేసి, చిటపటలాడిన తర్వాత అందులో పచ్చిమిర్చి, కరివేపాకు, ఉద్దిపప్పు, శెనగపప్పు, జీలకర్ర వేసి దోరగా వేయించాలి.
3. పోపు దినుసులు వేగిన తర్వాత తగినన్ని నీళ్ళు పోసి, ఉప్పు కూడా వేసి ఎసరును బాగా మరగనివ్వాలి.
4. నీరు బాగా మరిగే సమయంలో ఉప్పు సరిచూసుకొని బియ్యం రవ్వను, పెసరపప్పును, వేసి గరిటతో కలియబెడుతూ ఉడికించుకోవాలి. లేదంటే ఉండలు కడుతుంది. కొద్దిసేపటి తర్వాత మంట తగ్గించి మూత పెట్టి ఆవిరి మీద ఉడికించుకోవాలి. అంతే బియ్యం రవ్వ ఉప్మా రెడీ. దీన్ని నిమ్మ లేదా పప్పుల పొడి లేదా ఏదైనా ఊరగాయతో వేడి వేడిగా సర్వ్ చేయాలి. అంతే బియ్యం రవ్వ ఉప్మా రెడీ.