రైస్ స్పెషల్ - ఆనియన్ బిర్యానీ

Veg

oi-Saraswathi

By Sindhu

Published: Wednesday, May 2, 2012, 18:23 [IST]

రోజూ వండే అన్నమేగా...రోజూ ఉండే కూరలేగా... రోజూ అనే మాటలే ఇవి. కానీ... ఏదైనా స్పెషల్ చేయాలంటే బోలెడన్ని పనులు. అయితే ఏదైనా కొత్త రుచులు చేయాలంటే ప్రయోగం మొదలు పెట్టాల్సిందే. పెద్ద పెద్ద వంటకాలే కాకుండా..సులభంగా చిటికెలో చేసే వంటకాలు కూడా ఉన్నాయి. కిచెన్‌లోని దినుసులతోనే రోజూ తినే అన్నంతోనే ఓ వెరైటి వంటకం మీకోసం........

కావలసినవి:
బాస్మతి రైస్: 2cups
నెయ్యి: 2tbsp
పచ్చిమిర్చి: 4-6
అల్లం వెల్లుల్లి పేస్ట్: 2tbsp
జీలకర్ర: 1tsp
మిరియాలు: 1tsp
లవంగాలు: 4-6
ఏలకులు: 2-3
బిర్యానీ ఆకు: 2
ఉల్లిపాయ ముక్కలు: 2cups
చిన్న ఉల్లిపాయలు: 1cup
ఉప్పు: రుచికి తగినంత
తరిగిన కొత్తిమీర: 1/2cup
గార్నిష్ చేయడానికి: నేతిలో వేయించిన ఉల్లిపాయ ముక్కలు కొద్దిగా

తయారు చేయు విధానం:
1. ముందుగా బాస్మతి బియ్యాన్ని శుభ్రం చేసి, తగినన్ని నీళ్ళు పోసి, కొంచెం పలుకుగా అన్నం వండి చల్లారనివ్వాలి.
2. తర్వాత పాన్ లో నెయ్యి వేడి చేసి పచ్చిమిర్చి జీలకర్ర, మిరియాలు, లవంగాలు, యాలకులు, బిర్యానీ ఆకు, అల్లం వెల్లుల్లి పేస్ట్ వేసి వేయించాలి.
3. అవి వేగిన తర్వాత ఉల్లిపాయ ముక్కలు, చిన్న ఉల్లిపాయలను వేసి గోధుమరంగు వచ్చే వరకు వేయించాలి.
4. ఇప్పుడు అన్నం, ఉప్పు వేసి కలిపి దించేయాలి. నేతిలో వేయించిన ఉల్లిపాయముక్కలు, తరిగిన కొత్తిమీరతో గార్నిష్ చేయాలి.