సంక్రాంతి స్పెషల్ కట్టెపొంగలి

Veg

oi-Saraswathi

By Sindhu

Published: Saturday, January 14, 2012, 16:14 [IST]

సంక్రాంతి పండుగ మనకు పెద్ద పండుగ. సంక్రాంతి అంటేనే సంబరాల పండుగ. ఏడాదిపాటు ఎక్కడెక్కడో ఉన్న రక్త సంబంధీకులు, ఆత్మీయులు, స్నేహితులను ఒక చోట చేర్చి ఆప్యాయతలను పంచుకునేలా చేసే పండుగ సంక్రాంతి. సంక్రాంతి పండుగ అంటేనే రకరకాల వంటకాలు నోరూరిస్తాయి. ఎక్కడి నుండో వచ్చే తమ కుటుంబ సభ్యుల కోసం ఊళ్లల్లో ఉన్న వారు రకరకాల పిండి వంటలను చేసి వడ్డిస్తారు. ముఖ్యంగా సంక్రాంతికి అరిసెలు, చెక్కలు, సకినాలు, లడ్డూ బూంది, కొత్త బియ్యంతో కట్టె పొంగలి, చక్రాలు చేస్తుంటారు. వీటితోపాటు పలు రకాల వంటకాలను తయారు చేస్తారు. తయారు చేసిన వంటకాలను పేదలకు పంచుతారు.

కావలసిన పదార్థాలు:
బియ్యం‌: 1/2kg
పెసరపప్పు: 1/2kg
మిరియాలు: 2tsp
ఎండుమిర్చి: 4-6
ఆవాలు: 2tsp
నెయ్యి : 4tsp
జీడిపప్పు: 8-10
ఉప్పు : రుచికి తగినంత
కరివేపాకు : 2 రెబ్బలు

తయారు చేయు విధానం:

1. ముందుగా బియ్యం శుభ్రంగా కడిగి నానబెట్టుకోవాలి.
2. తరువాత బియ్యం పప్పు కలిపి ఉడకబెట్టాలి.
3. బాగా మెత్తగా ఉడికిన తర్వాత నెయ్యిలో మిరియాలు, ఎండుమిర్చి, ఆవాలు, జీడిపప్పు, కరివేపాకు వేసి తాలింపు పెట్టి ఈ ఉడకబెట్టిన అన్నం, పప్పును అందులో కలపాలి.
4. తినేటప్పుడు పైన కొద్దిగా నెయ్యి వేసుకుని తింటే చాలా బావుంటుంది. దీనికి కొబ్బరి వేయించిన శనగపప్పుతో చట్నీ మంచి కాంబినేషన్...