సింపుల్ అండ్ ఈజీ మష్రూమ్ కర్రీ

Veg

oi-Saraswathi

By Sindhu

Published: Wednesday, June 18, 2014, 12:49 [IST]

వెజిటేరియన్ వంటల్లో ఒక రుచికరమైన వెజిటేరియన్ రిసిపి మష్రుమ్ కర్రీ. మష్రుమ్ కర్రీని వివిధ రకాలుగా తయారుచేయవచ్చు. అలాగే వివిధ రకాల వంటలకు వివిధ రకాలైన మష్రుమ్స్ ప్రస్తుతం మనకు అందుబాటులో ఉన్నాయి .

మష్రుమ్ ఆరోగ్యానికి చాలా మంచిది. ఎందుకంటే మష్రుమ్ లో పొటాషియం మరియు ఇతర ఎలిమెంట్స్ పుష్కలంగా ఉన్నాయి. మన ఇండియన్ కుషన్స్ లో, చాలా వరకూ వెజిటేరియన్ మష్రుమ్ డిష్ లలో మష్రుమ్ కర్రీ, మష్రుమ్ పనీర్, ఫ్రైడ్ మష్రుమ్, మష్రుమ్ చిల్లీ వంటి డిష్ లు చాలా పాపులర్ అయినటువంటివి. మరి మష్రుమ్ తో ఒక సింపుల్ కర్రీ ఎలా తయారుచేయాలో చూద్దాం...

కావలసినపదార్థాలు:
మష్రూమ్స్ : 2cup
చింతపండు : కొద్దిగా (నీళ్లలో నానబెట్టాలి)
ఉప్పు : రుచికి తగినంత
గరంమసాలా : 1tsp
శనగపప్పు : 1tbsp
మిరియాల పొడి : 1tsp
నూనె : 2tsp
ఆవాలు : 1/2tsp
ఎండుమిర్చి : 2
కొత్తిమీర : కొద్దిగా
టొమాటో ముక్కలు :1/2 cup
కరివేపాకు : 2 రెమ్మలు

తయారు చేయు విధానం:
1. ముందుగా చింతపండు గుజ్జు తీసి పక్కన పెట్టుకోవాలి.
2. తర్వాత పాన్ లో శనగపప్పు వేసి వేయించి మిరియాలపొడి జతచేసి కలిపి తీసేయాలి
3. పాన్‌లో నూనె వేసి కాగాక కరివేపాకు, ఆవాలు, ఎండుమిర్చి వేసి వేయించాక టొమాటో ముక్కలు వేయించాలి.
4. టమోటో ముక్కలు మెత్తబడ్డాక అందులో మష్రూమ్‌ ముక్కలు, ఉప్పు వేసి బాగా కలిపి, మూతపెట్టి, ఉడికించాలి.
5. చింతపండు గుజ్జు జత చేసి పది నిముషాలయ్యాక, గరం మసాలా వేసి 5 నిముషాలు ఉడికించి దించేయాలి. చివరగా కొత్తిమీర తరుగుతో గార్నిష్‌ చేయాలి. అంతే మష్రుమ్ కర్రీ రెడీ .