బేండీ బరేలితో రెండు ముద్దలు ఎక్కువ తినాల్సిందే.....

Veg

oi-Saraswathi

By Sindhu

Published: Wednesday, May 9, 2012, 12:44 [IST]

స్టఫ్డ్ బెండకాయ(బేండీ బరేలి), గుజరాతీల స్పెషల్ వంటకం. బెండకాయ వేపుడు, బెండకాయ పులుసు, బెండకాయ మసాలా ఇవన్నీ అందిరికి తెలిసినదే. కాకీ కొచ్చెం డిఫరెంట్ గా బెడీ బెరేలి చేస్తే చాలా రుచికరంగా ఉంటుంది. అయితే ఇది చేసే విధానంలోనే వుంది అసలు రుచి అంతా. ఎవ్వరైనా సరే రెండు ముద్దలు ఎక్కువ తినితీరాల్సిందే. మీకూ తెలిసే వుంటుంది ఎలా చేయాలన్నది. కానీ వాటిని వేయించే దానిలోనే వుంది చిట్కా అంతా...కొద్దిగా టైం తీసుకొని ఓపిగ్గా చేస్తే భలే రుచిగా ఉంటుంది బేండీ బరేలి.....

కావలసిన పదార్థాలు
బెండకాయలు: 1/2kg
వెల్లుల్లి పేస్ట్: 2tbsp
శెనగపిండి: 5tbsp
కొత్తిమీర: 1కట్ట
కొబ్బరి పొడి: 1tbsp
పసుపు: 1/2tsp
పచ్చిమిర్చి: 10
కారం: 1tsp
ధనియాలపొడి: 2tbsp
గరం మసాలా: 1tbsp
జీలకర్ర, నువ్వులు: 1tbsp
ఆవాలు: 1tsp
నూనె: తగినంత
నిమ్మరసం: 1
ఉప్పు: రుచికి తగినంత
తయారు చేయు విధానం:
1. ముందుగా చిన్న బెండకాయల్ని తీసుకుని నీటిలో శుభ్రంగా కడిగి పొడి బట్టతో తుడిచి పెట్టుకొని, రెండు చివరలు తీసెయ్యాలి. కొత్తిమీర, పచ్చిమిర్చి సన్నగా తరిగిపెట్టుకోవాలి.
2. తర్వాత చిన్న బౌల్ లో శెనగపిండి, కారం, కొబ్బరి పొడి, ధనియాలపొడి, గరం మసాలా, నిమ్మరసం, జీలకర్ర, నువ్వులు, ఉప్పు కలపుకోవాలి.
3. ఇప్పుడు బెండకాలయల్ని ఓ పక్క చీల్చి విత్తనాలు తీసేయ్యాలి. వీటిలో కొబ్బరి పొడి మిశ్రమాన్ని కూరాలి.
4. తర్వాత పాన్ లో నూనె వేసి వేడయ్యాక మసాలా బేండీని వేసి వేయించాలి. చివరగా కొద్దిగా పసుపు ఉప్పు కలపాలి. అంతే బేండీ బరేలి రెడీ...