స్టఫ్డ్ వెజిటేబుల్ ఆలూ

తయారు చేయు విధానం:
1. మొదటగా ఆలుగడ్డలకు పై పొట్టు తీసుకోవాలి. తర్వాత ఆలుగడ్డలను పై పావు భాగం తీసి వేసి పక్కన పెట్టుకోవాలి.
2. తర్వాత ముప్పావు భాగం మధ్యలో జాగ్రత్తగా చిన్న గుంట ఏర్పడేలా తియ్యాలి.
3. ఇప్పుడు పాన్ తీసుకొని అందులో కొద్దిగా నీరు పోసి తగినంత ఉప్పు వేసి కాలీఫ్లవర్‌ తరుగు, కాప్సికమ్ తరుగు‌, పచ్చిబఠాణీలు, ఉల్లిపాయముక్కలు, పచ్చిమిర్చివేసి నీరంతా ఇంకిపోయే దాకా ఉడికించాలి.
4. తర్వాత ఈ మిశ్రమాన్ని మధ్యలో గుంటలా చేసిన ఆలుగడ్డలో నింపాలి. తర్వాత పక్కన పెట్టుకున్న బంగాళదుంపల పై భాగాన్ని మూతలా పెట్టి విడిపోకుండా ఉండేందుకు ఒక టూత్‌ ప్రిక్‌(మందపాటి పుల్ల) ను గుచ్చాలి.
5. ఇప్పుడు పాన్ లో నూనె వేసి పోసి వేడి చేసి అందులో టొమాటో ముక్కలు వేసి కొద్దిగా ఉప్పు చేర్చి రెండు నిమిషాల పాటు వేయించాలి. తర్వాత మసాలా నింపిన ఆలుగడ్డలను ఈ టమాటా మిశ్రమంలోకి జాగ్రత్తగా వేసి, మూత పెట్టి ఒక పది నిమిషాల పాటు అంటే అవి మృదువుగా అయ్యే వరకు ఉడికించాలి. దించిన తర్వాత దానిపై కొత్తిమీరతో అలంకరించి సర్వ్ చేయాలి. ఇవి రోటీలేదా పరాటాలోకి మంచి కాంబినేషన్.