స్వీట్ కార్న్ అండ్ ఆలూ ఫ్రై : హాట్ అండ్ స్పైసీ

సాధారణంగా ఎప్పుడూ తినే వంటలైతే చాలా బోరుకొడుతుంది. కాబట్టి ఈ రోజు మీరు ఏదైనా స్పైసీగా మరియు స్వీట్ గా తినాలని కోరుకుంటున్నట్లైతే ఈ యమ్మీ ట్రీట్ కార్న్ మరియు ఆలు అద్భుతమైనది

ఈ రుచికరమైన వంటలో మిచ్చి మరియు స్వీట్ కార్న్ ను జోడించడం వల్ల ఈ డిష్ స్పైసీగా టేస్ట్ బడ్స్ కు ఒక కొత్త రుచిని పరిచయం చేస్తుంది.

ఈ ఆలూ స్వీట్ కార్న్ రిసిపిని వెజిటేరియన్ పులావ్ తో పాటు తీసుకోవాలి. రోటీలకు అంత రుచిగా ఉండకపోవచ్చు. రైస్ ఐటమ్స్ కు ఫర్ఫెక్ట్ కాంబినేషన్. మరి ఈ స్వీట్ అండ్ హాట్ డిష్ ను ఎలా తయారుచేయాలో ఒకసారి చూద్దాం...

కావల్సిన పదార్థాలు:
ఆలు: 1/2 kg (ముక్కలుగా కట్ చేసుకోవాలి)
టమోటో: 1(చిన్న ముక్కలుగా తరిగి పెట్టుకోవాలి)
ఉల్లిపాయ: 1 (చిన్న ముక్కలుగా తరిగి పెట్టుకోవాలి)
స్వీట్ కార్న్: 4tbsp(ఒలిచి, శుభ్రం చేసి పెట్టుకోవాలి)
పచ్చిమిర్చి: 2 (సన్నగా కట్ చేసుకోవాలి)
అల్లం & వెల్లుల్లి పేస్ట్: 1tbsp
పసుపు పొడి: 1 / 2 tsp
కారం: 1tbsp
నీరు: 1cup
నూనె: 2tbsp
ఉప్పు: రుచికి సరిపడా

తయారుచేయు విధానం:
1. పాన్ లో కొద్దిగా నూనె వేసి వేడయ్యాక అందులో పచ్చిమిర్చి ముక్కలు, ఉల్లిపాయ ముక్కలు వేసి ఫ్రై చేసుకోవాలి.
2. తర్వాత మిగిలిన పోపు దినుసులు వేసి ఫ్రై చేసుకోవాలి. తర్వాత అందులో అల్లం వెల్లుల్లి వేసి ఫ్రై చేసుకోవాలి.
3. తర్వాత అందులోనే పసుపు, కారం, కూడా వేసి ఫ్రై చేసుకోవాలి.
4. ఇప్పుడు పాన్ లోసన్నగా తరిగిపెట్టుకొన్న టమోటో ముక్కలు వేసి ఫ్రై చేసి 5నిముషాలు మూత పెట్టి ఫ్రై చేసుకోవాలి.
5. మూత తీసి, అందులో బంగాళదుంప ముక్కలు వేసి మిక్స్ చేసి నీళ్ళు పోసి మరో 10నిముషాలు ఉడికించుకోవాలి.
6. కొద్దిసేపటి తర్వాత అందులో ఉప్పు, మరియు స్వీట్ కార్న్ వేసి ఉడికించుకోవాలి. 5 నిముషాలు ఉడికిన తర్వాత స్టౌ ఆఫ్ చేయాలి. అంతే