పాపులర్ టమోటో రసం

Published: Saturday, September 17, 2011, 15:25 [IST]

సంప్రదాయ తయారీ విధానంతో తయారయ్యే ఈ వంటకంలో ప్రధానంగా చింతపండు రసం ఉపయోగించడంతో పాటు అదనంగా టమోటో, మిరప మరియు ఇతర రకాల మసాలా దినుసులు ఉపయోగిస్తారు. వీటిని అన్నంతో కలిపి లేదా సూపు రూపంలో తీసుకునేందుకు వీలుగా ఉంటాయి. సంప్రదాయ భోజనంలో ఇది సాంబారు అన్నం తర్వాతి స్థానాన్ని వహిస్తుంది. రసం అనేది తనకంటూ ప్రత్యేకమైన మసాల దినుసులను కలిగి ఉండడంతో పాటు పూర్తిగా పల్చటి ద్రవ రూపంలో ఉండడం వల్ల సాంబారుతో పోలిస్తే రసం అనేది ఒక విశిష్టమైన రుచిని కలిగి ఉంటుంది. టామోటాలు యాంటీ ఆసిడ్ కలిగినటువంటి తక్కువ క్యాలరీలు, లో ఫ్యాట్ కలిగిఉంటుంది.

కావలసిన పదార్థాలు:
టమోటాలు: 2
రసంపౌడర్: 2tsp(కారం, యాలకులు, ధనియా, మినపప్పు, పెసరపప్పుతో తయారు చేసిన పౌడర్)
కరివేపాకు: రెండు రెమ్మలు
ఉప్పు : రుచికి సరిపడా
పసుపు: 1/4tsp
కందిపప్పు: 1cup
నూనె: 1tsp
ఇంగువ చిటికెడు
ఆవాలు: 1tsp
చింత పులుసు: 3-4tsp

తయారు చేయు విధానము:
1. మొదటగా కుక్కర్ లో కందిపప్పును వేసి, కొద్దిగా నీళ్ళు, పసుపు, కొద్ది నూనె వేసి మొత్తగా ఉడకబెట్టాలి.
2. తర్వాత ఒక గిన్నెలో కొద్దిగా నీళ్ళు పోసి కట్ చేసిన టమోటో ముక్కలను అందులో వేయాలి, తర్వాత సిద్దం చేసుకొన్న రసం పౌడర్, ఉప్పు, చింతపులుసు, కరివేపాకు, కొత్తిమీర, కొద్దిగా బెల్లం వేసి బాగా ఉడకనివ్వాలి.
3. మంచి రుచి, సువాసన కోసం కొద్దిగా ఇంగువ, పచ్చి కరివేసాకు కలపాలి
4. ఇప్పుడు మొదట ఉడికించి పెట్టుకొన్న కందిపప్పును ఇందులో కలిపి మరికొద్దిసేపు బాగా మరగనివ్వాలి అంతే రుచికరమైన టమోటో రసం రెడీ.

Comments

Story first published: Saturday, September 17, 2011, 15:25 [IST]

Other articles published on Sep 17, 2011

Latest Updates

Tomato Rasam.. | పాపులర్ టమోటో రసం