హెల్తీ అండ్ టేస్టీ వెజిటేబుల్ సేమ్యా ఉప్మా.

Veg

oi-Saraswathi

By Sindhu

Published: Wednesday, December 14, 2011, 12:17 [IST]

ఉప్మాలో వెరైటీ ఉప్మా సేమ్యా ఉప్మా..ఇది బ్రేక్ ఫాస్ట్ మాత్రమే కాదు..ఈవెనింగ్ స్నాక్ కూడా . చేయడం చాలా సింపుల్..కలర్ కలర్ గా కనిపించే ఈ వెరైటీ బ్రేక్ ఫాస్ట్ చిన్న పిల్లలతో సహా చాలా ఇష్టంగా తినేస్తారు. అంతే కాదు వెజిటేబుల్స్ లోని విటమిన్స్, క్యాలరీస్ కూరగాయలు తినని పిల్లలకు ఈ విధంగా చేసిపెట్టవచ్చు...ట్రై చేసి చూడండి..

కావలసిన పదార్ధాలు:

సేమ్యా (వెర్మిసెల్లి): 2cupsl
పొటాటో: 1(చిన్న ముక్కలుగా తరిగినవి)
కారట్: 2(చిన్న ముక్కలుగా తరిగినవి)
బీన్స్: 1/2cup (చిన్న ముక్కలుగా తరిగినవి)
టమాటా: 1(చిన్న ముక్కలుగా తరిగినవి)
నెయ్యి: 1tsp
ఉల్లిపాయ: 2
పచ్చిమిర్చి: 3
కరివేపాకు: ఒక రెమ్మ
కొత్తిమీర: కొంచెం
పసుపు: చిటికెడు(అవసరం అనుకుంటే
ఉప్పు : రుచికి తగినంత
అల్లం వెల్లుల్లి ముద్ద: 1/2tsp
గరంమసాలా పొడి: 1/2tsp
నూనె: తగినంత
జీడిపప్పు: 8
నీళ్ళు : 2cups
తాలింపుకు: శనగపప్పు,మినప్పప్పు ,ఆవాలు

తయారు చేయు విధానం:

1. ముందుగా ఒక పాన్ లో ఒక టీస్పూన్ నెయ్యి వేడిచేసి సేమ్యా వేయించి పక్కన పెట్టుకోవాలి.
2. అదే పాన్ లో నూనె వేసి, వేడి అయ్యాక తాలింపు వేసి దోరగా వేయించాలి.
3. ఇప్పుడు సన్నగా తరిగిన ఉల్లిపాయ, పచ్చిమిర్చి, పొటాటో, కారట్, బీన్స్ ముక్కలు కరివేపాకు వేసి కొంచెం వేగాక టమాటా ముక్కలు వెయ్యాలి.
4. తర్వాత పసుపు, అల్లం వెల్లుల్లి పేస్ట్, గరంమసాలా పొడి, కొత్తిమీర తరుగు వేసి బాగా కలిపి వేయించి ఆవిరిలోనే కొంచెం ఉడికించి , నీరు పొయ్యాలి.
5. ఇప్పుడు తగినంత ఉప్పు వేసి నీళ్ళు మరిగిన తరువాత వేయించిన సేమ్యా వెయ్యాలి. ఒకసారి కలిపి ఈ గిన్నెను ప్రెషర్ పాన్ లో ఉంచి మూడు విజిల్స్ రానిస్తే సేమ్యా ఉప్మా రెడీ అవుతుంది. కుక్కర్ లో కాకుండా సేమ్యా ఉడికేవరకూ ఉంచి విడిగా కూడా చేసుకోవచ్చు. చివరగా కొత్తిమిర తరుగు, జీడిపప్పుతోటి గార్నిష్ చేసి ఏదైనా చట్నీ లేదా మీకు నచ్చిన ఊరగాయతోటి సర్వ్ చేయడం.