రావి చెట్టుతో కూడిన ఆధ్యాత్మిక ప్రయోజనాలేమిటో తెలుసా ?

విష్ణు భగవానుడు రావి చెట్టులో ఉంటాడని తెలుసా ?

మహా భారతంలో, కృష్ణుడు తనను తాను రావి చెట్టుగా అభివర్ణించినాడు. ఈ చెట్టు యొక్క మూలాలు విష్ణువు. దాని కాండం కేశవుడు. శాఖలు నారాయణ మరియు ఆకులు హరిగా స్వయంగా ఉన్నారు. అందువల్ల పూర్వ కాలం నుండే రావి చెట్టును ఆరాధించే సాంప్రదాయం ఉన్నది. సోమావతి అమావాస్య రోజున రావి చెట్టులో విష్ణు భగవానుడు, లక్ష్మి సమేతంగా కొలువు తీరి ఉంటారని నమ్ముతారు. పెళ్ళైన ఆడవారు ఈరోజు ఉపవాసం ఉండడం ద్వారా భర్తలకు ఆయురారోగ్యాలు సిద్దిస్తాయని , మరియు పితృదోషాలు ఏమైనా ఉంటే తొలగిపోతాయని విశ్వసిస్తుంటారు. ఈరోజు రావిచెట్టుకు ప్రత్యేకమైన పూజలు నిర్వహించి ప్రదక్షిణ చేయడం ఆనవాయితీ. దీనిని రావిచెట్టు ప్రదక్షిణ వ్రతంగా గుర్తిస్తారు కూడా.

పుట్టుక మరియు మరణాన్ని సూచిస్తుంది :

రావి చెట్టు ఎన్నడూ ఒకేసారి ఆకులను జారవిడువదు. ఆకులు పడిపోఏ కొలదీ కొత్త ఆకులు చిగురిస్తూ నూతన జన్మను తీసుకొంటాయి. ఇది జన్మ మరియు మరణ చక్రం అని సూచిస్తుంది. అందువలన దీనిని ఆధ్యాత్మిక వాస్తవికతకు సంబంధించిన చెట్టుగా భావిస్తుంటారు. చెట్టు యొక్క క్లిష్టమైన నిర్మాణం మొత్తo, జీవితం మరియు మరణ చక్రాన్ని సూచిస్తుంది. దీని ద్వారానే ప్రకృతి సైతం నడుస్తుంది అని చెప్పబడినది. కొందరి నమ్మకాల ప్రకారం ఈ భూమి మీద ఉన్న ప్రతి రావి చెట్టు ఆకు ఒక ప్రాణంగా చెప్పబడుతున్నది కూడా.

శాశ్వత ఆధ్యాత్మికత :

రావి చెట్టు ఎన్నటికీ చనిపోదు. అది శాశ్వతంగా ఉంటుంది. దాని శాశ్వత స్వభావం కూడా శాశ్వతాత్మతో సంబంధం కలిగి ఉంటుంది. ఇది శాశ్వతమై మరణం లేనిదిగా ఉంటుంది. మానవ శరీరం నశించిపోతుంది కానీ ఆత్మ ఎప్పటికీ నశించదు. ఆ ఆత్మలు చివరికి చేరే పవిత్రమైన ప్రదేశంగా రావి చెట్టు ఉన్నది. రావి చెట్టును పూజించడానికి ఇది కూడా ఒక కారణంగా చెప్తుంటారు.

సావిత్రి మరియు సత్యవoతుని కథ:

మహా భారతంలో సావిత్రి మరియు సత్యవంతుని కథను ప్రస్తావిస్తుంది. సావిత్రి భర్త సత్యవంతుడు రావి చెట్టు కింద మరణించాడు. ఈ ఊహించని ఘటనతో సావిత్రి చాలా బాధపడింది. ఆమె మరణానికి రాజైన, యముని ఆరాధించడం మొదలుపెట్టింది. మరియు రావిచెట్టు చుట్టూ ఒక పవిత్రమైన తాడుతో కట్టి, తన భర్తను తిరిగి బ్రతికించాలని ప్రాధేయపడింది. ఆమె ప్రార్ధనకు తలొగ్గిన యముడు సత్యవంతునికి తిరిగి ప్రాణం పోశాడు. అప్పటి నుండి, హిందూ స్త్రీలు వటసావిత్రి వ్రతం రోజున రావి చెట్టును పూజించడం ఆనవాయితీగా వస్తున్నది. ఈ వ్రతం రోజున ఉపవాసం చేయడం, దానధర్మాలు చేయడం, అన్నదానం నిర్వహించడం అతి ముఖ్యమైనదిగా చెప్తారు. తద్వారా తమ భర్త ఆయురారోగ్యాలతో వర్దిల్లుతారని ప్రఘాడ నమ్మకం.

బుద్దుని జ్ఞానోదయం :

అనేక ఋషులు సన్యాసాన్ని స్వీకరించే క్రమంలో రావి చెట్టు క్రింద జ్ఞానోదయం సాధించారు. వారిలో గౌతమ బుద్దుడు అతిపెద్ద ఉదాహరణ. బుద్దుడు బీహార్ లోని గయలో ఒక నది దగ్గర ఉన్న రావి చెట్టు కింద కూర్చున్నారు. అతను పద్నాలుగవ రోజు సాయంత్రాన జ్ఞానోదయం పొందాడు. ఈ చెట్టుని మహాబోది వృక్షమని, ఆ ప్రదేశాన్ని బుద్ధగయగా పిలువబడింది. ఈ చెట్టు యొక్క శాఖ నుండి ఎదిగిన ఏ చెట్టునైనా కూడా బోధి వృక్షం అని పిలవడం ఆనవాయితీగా వస్తున్నది.

రావి చెట్టు ద్వారా పూర్వీకులను పూజించవచ్చు :

పూర్వీకుల ఆత్మలు రావి చెట్టు మీద నివసిస్తాయని హిందువుల ప్రఘాడ విశ్వాసం. అన్ని మతాలలో, ప్రత్యేకించి హిందూమతంలో పూర్వీకులను పూజించే సాంప్రదాయం ప్రధానంగా ఉంది. పూర్వీకులను ముఖ్యంగా అమావాస్య రోజున పూజిస్తారు. కాబట్టి, రావి చెట్టును ఆరాధించడం ద్వారా పూర్వీకులకు మన ప్రార్ధనలను అర్పణగా భావించబడుతుంది.

బ్రహ్మదేవుడు :

రావిచెట్టుకు బ్రహ్మదేవునితో కూడా సంబంధం ఉంది. చావు పుట్టుకలు లేని బ్రహ్మదేవుడు మరణించిన వారి ఆత్మలను తనలో కలుపుకునే చెట్టుగా రావి చెట్టు ఉన్నది. రావి చెట్టు కింద కర్మ క్రతువులను జరుపుటకు కూడా కారణం ఇదే. రావి చెట్టు దగ్గరలో లేని పక్షాన రావి ఆకులనైనా కర్మ క్రతువులకు వినియోగించడం పరిపాటి.