For Quick Alerts
ALLOW NOTIFICATIONS  
For Daily Alerts

పొగ తాగడం వల్ల కలిగే హాని..నివారించే 9 ఆహారాలు

|

పొగ త్రాగడం ఆరోగ్యానికి హానికరం. అని మనందరికీ తెలిసినా కూడా నికోటిన్ ఆరోగ్యానికి చెడు కలిగిస్తుందని తెలిసినాకూడా చాలా మంది పొగ త్రాగడాన్ని మాత్రం మానలేకపోతున్నారు. ప్రమాదకరమైన వ్యాధులకు ప్రధాన కారణం పొగాకువాడకం... అలాంటి పొగత్రాగడం వల్ల ఆరోగ్యానికి అన్ని రకాలుగా హానికరమే.. పొగాకు పొగనుంచి శరీరానికి హాని కలిగించే సుమారు 300 రకాల పదార్థాలు కనుగొనబడ్డాయి. అందులో ముఖ్యమైన రెండు పదార్థాలు నికొటిస్‌, కార్బన్‌ మోనాక్సైడ్‌. సుమారు 20 సిగరెట్లు త్రాగటం వలన 0.09గ్రాముల నికోటిన్‌, 369ఘన సెంటీ లీటర్ల కార్బన్‌ మోన్సాక్సైడ్‌ శరీరంలోనికి ప్రవేశిస్తాయి.

ఈ రెండు పదార్థాల లక్షణాలు ఏమంటే అవి-గుండె రక్త ప్రసరణ వ్యవస్థపై ఎక్కువగా పనిచేస్తాయి. నికోటిన్‌ వలన రక్తనాళాలు కుదించుకు పోయి, రక్తపోటు హెచ్చుతుంది. నికోటిన్‌ శరీర నాడీ మండల వ్యవస్థను ఉద్రిక్తపరచడం వలన శరీరంలోని రస గ్రంథుల నుండి ప్రవించే రసాలు ఎక్కువవుతాయి. వీటివలన శరీర వ్యవస్థతో చురుకుగా పనిచేసే పదార్థాలు రక్తంలోకి అధికంగా ప్రవేశించి గుండెమీద, రక్తనాళాల మీద చెడు ప్రభావం కలిగిస్తాయి. వీటి వలన శరీరంలోని ముఖ్యభాగాలైన గుండె, మెదడు, మూత్రపిండాలకు రక్త ప్రసరణ తగ్గుతుంది. పొగత్రాగేవారికి గుండె నొప్పులు ఎక్కువగా వచ్చుట సహజం. నెలకు 38 ప్యాకెట్లు సిగరెట్లు త్రాగేవారిలో గుండె రక్తనాళం ఒకటి దెబ్బ తింటుంది.

పొగతాగడాన్ని మానేస్తాను అని అనుకోవడం తొలిమెట్టు. ధూమ పానం వల్ల కలిగే అనర్థాలను అర్థం చేసుకోసుకోవడం ముఖ్యం.గతంలో సిగరెట్‌ తాగడం మొదలు పెట్టేందుకు ఎన్నో కారణాలుండొచ్చు. ఒత్తిడి తగ్గించుకోవడానికి ధూమపానానికి అలవాటుపడి ఉండొచ్చు. ధూమపానం మానేస్తాను అనే ధృఢంగా అనుకోవాలి. సిగరెట్‌ తాగే స్నేహితులు ఉంటే కొంతకాలం వారికి దూరంగా ఉండాలి. పొగ మానేందుకు మందులు కూడా ఉన్నాయి. వీటన్నింటితో పాటు లైఫ్ స్టైల్ మార్చుకోవాలి. కొన్ని రకాల ఆరోగ్యకరమైన ఆహారాలను తరచూ తీసుకోవడం వల్ల శరీరంలోని నికోటిన్ బయటకు పంపబడుతుంది.

బ్రొకోలి

ఈ గ్రీన్ వెజిటేబుల్స్ లోవిటమిన్ సి మరియు బి5 అధికంగా ఉన్నాయి. పొగతాగడం వల్ల శరీరంలో విటమిన్ సి తగ్గిపోతుంది. అందువల్ల బ్రొకోలి ఆహారంతో తీసుకోవడం వల్ల శరీరంలో చేరే నికోటిన్ ను బయటకు నెట్టివేయబడుతుంది. అంతే కాదు బ్రొకోలి బరువు తగ్గించడానికి కూడా చాలా బాగా పనిచేస్తుంది. ఇంకా గర్భినీ స్త్రీలకు ఆరోగ్యకరమైన ఆహారం.

ఆరెంజెస్

సిట్రస్ పండ్లలో, జ్యూసులలో విటమిన్ సి అధికంగా ఉంటుంది. శరీర నాడీవ్యవస్తను సక్రమంగా పనిచేసేలా చేసి ఒత్తిడి తగ్గించడంలో సిట్రస్ పండ్లు, జ్యూలు బాగా పనిచేస్తాయి. కాబట్టి ఆహారంతో పాటు ప్రతి రోజూ ఆరెంజ్ కు ప్రాధాన్యత ఇవ్వండి.

 క్యారెట్ జ్యూస్

ఒక్కసారి పొగ తాగిన తర్వాత అందులోని నికోటిన్ మూడు రోజుల వరకూ శరీరంలో అలాగే నిల్వ ఉంటుంది . రోజూ ఎక్కుగా పొగ తాగేవారైతే నికోటిన్ మీ చర్మసౌందర్యాన్ని పాడు చేయడమే కాకుండా మిమ్మల్ని అందవిహీనంగా కనబడేలా చేస్తుంది. అందుకు క్యారెట్ జ్యూస్ తీసుకోవడం వల్ల ఇందులోని విటమిన్ ఎ, సి మరియు కె, బి లు శరీరంలోని నికోటిన్ తొలగించడానికి బాగా సహాయపడుతాయి.

ఆకుకూరలు

ఆకుకూరలు డార్క్ గ్రీన్ కలర్ లో ఉంటాయి. ఇందులో విటమిన్స్ అధికంగా లేకపోయినా, ఫోలిక్ యాసిడ్ అధికంగా ఉంటుంది. గర్భిణీ స్త్రీలు నికోటిన్ ను బయటకు పంపుటకు ఆకు కూరలు తీసుకోవడం చాలా ఆరోగ్యం.

 దానిమ్మ

ఎర్రని దానిమ్మ గింజలు తినడం వల్ల శరీరంలోని రక్తప్రసరణను పెంచి రక్తకణాల సంఖ్యను పెంచుతుంది. అంతే కాదు పొగ తాగాలానే ఆలోచనను తగ్గిస్తుంది.

కివి

శరీరంలో చేరిపోయిన నికోటిన్ ను అతి సులభంగా బయటకు పంపడానికి చాలా బాగా సహాయపడుతుంది ఈ కివి పండు. ఈ పండులో విటమిన్ ఎ మరియు సి, ఇ అధికంగా ఉన్నాయి. పొగతాగినప్పుడు ఈ విటమిన్స్ ను శరీరం నుండి అధిక శాతంలో తగ్గిపోతాయి కాబట్టి ఈ కివి పండును తినడం వల్ల ఈ విటమిన్స్ రీ స్టోర్ అవుతాయి.

బెర్రీస్

బెర్రీస్ లో స్ట్రాబెర్రీ శరీరంలో నికోటిన్ ను తొలగించడానికి చాలా బాగా పనిచేస్తుంది. ఇంకా శరీరంలోని విషాలను కూడా బయటకు నెట్టివేయబడుతాయి.

డ్రై హెర్బ్స్

నికోటిన్ నిల్వను శరీరంలో తగ్గించడానికి ఈ ఎండిన వనమూలికలు చాలా బాగా పనిచేస్తాయి. ఎందుకంటే ఇందులో అధికంగా విటమిన్ ఎ మరియు ఇ ఉన్నాయి కాబట్టి.

నీళ్ళు

పొగ తాగడం వల్ల శరీరంలో పొడిబారిపోతుంది. శరీరంలో తేమలేకుండా అయిపోతుంది. చాలా అద్యయనాల ప్రకారం పొగతాగేవారు శరీరాన్ని తేమగా ఉంచుకోవాలన్నా, నికోటిన్ బయటకు పంపాలన్నా ఎక్కువగా నీళ్ళు తాగాలి.

పొగతాగడం వల్ల శరీరంలో విటమిన్ సి, ఇ మరియు ఎ లు తగ్గిపోతాయి. ఈ విటమిన్స్ శరీరానికి కావల్సినంత ఉన్నప్పుడు ఊపిరితిత్తులు ఆరోగ్యంగా ఉంటాయి. పోగతాగడం మానేయాలనుకొనే వారు, విటమిన్ సి, ఇ, మరియు ఎ లు అధికంగా ఉంన్న ఆహారాలను తీసుకోవాలి. వీటిని తీసుకోవడం వల్ల శరీరంలోని నికోటిన్ బయటకు నెట్టివేయబడుతుంది. క్యారెట్స్, డార్క్ లీఫీ గ్రీన్ వెజిటేబుల్స్, లెట్యుస్, డ్రైయిడ్ హెర్బ్స్, బాదం, పైన్ నట్స్, ఆకుకూరలు, ఆలివ్స్, క్యాప్సికమ్, జామ, బ్రొకోలీ వంటి వాటిల్లో సి, ఇ మరియు ఎ విటమిన్లు అధికంగా ఉంటాయి. విటమిన్ బి5యాంటీ స్ట్రెస్ విటమిన్ సప్లై చేస్తుంది. దాంతో ఒత్తిడి నుండి బయటపడవచ్చు. అందుకు కారణమయ్యే హార్మోన్స్ ను కూడా ఇది ఉత్పత్తి చేస్తుంది. ఒత్తిడితో పోరడాగలిగే శక్తిని కలిగి ఉంటాయి. కాబట్టి ఈ ఆహారాలను ప్రతి రోజూ మీరు తీసుకొనే ఆహారంలో చేర్చుకొని శరీరంలోని నికోటిన్ బయటకు పంపేయండి.

English summary

Foods To Flush Out Nicotine From Body | ధూమపాన హానిని తగ్గించే 9 ఆహారాలు...

Smoking is injurious to health. We all are aware of that but still the bad habit of inhaling nicotine is difficult to quit. Nicotine is an addictive drug that is found in the tobacco. There are many health hazards of this addictive drug. Nicotine leads to a sudden raise in blood pressure and damages the lungs with tar to name a few. It is very difficult to get rid of smoking once you get used to it. However, if you quit the addiction with hard efforts, the effects of nicotine will last for years. And when nicotine is in the body, it will make you take more nicotine through different sources (because of dependency on the drug).
Story first published: Friday, December 14, 2012, 15:47 [IST]
Desktop Bottom Promotion