హోమ్ గార్డెన్ కి ప్రాథమిక అంశాలు...

1. మొదటగా మొక్కులు పెంచుకోవడానికి సరిపడే స్థలం, సంవత్సరంలో ఏ కాలంలో నైన మొక్కలను గాలి, వెలుతురు, సూర్యరశ్మి ప్రసరించే స్థలంను ఎన్నుకోవాలి.
2. విత్తనాలు లేదా మొక్కల నారు సిద్దం చేసుకోవాలి. నర్సరీ నుండి విత్తనాలు కొనడం కంటే మనమే విత్తనాలు చల్లి నారు పెంచుకుంటే ఖర్చు తగ్గుతుంది. ఒక వేళ విత్తనాలు చల్లాల్సిన సీజన్ లో సాధ్యం కాకపోయినా, చల్లిన విత్తనాలు సరిగా మొలకెత్తకపోయినా అప్పుడు డైరెక్ట్ గా నర్సరీ నుండి మొక్కలను తెచ్చుకోవాలి.
3. విత్తనాలు వేసేముందుకానీ, మొక్కను నాటే ముందుకానీ ఆ చెట్టు స్వరూపాన్ని దృష్టిలో పెట్టుకుని ఆ మేరకు స్థలం కేటాయించాలి. వేర్లు భూమిలోకి చొచ్చుకుపోవడానికి వీలుగా రాళ్లను తొలగించి, మట్టిని గుల్లబరిచి నేలను చదరున చేయాలి. పై పొరలో ఆకులు, గడ్డి నింపాలి. ఇలా చేయండం వల్ల నీరు ఎక్కువ, తక్కువల ప్రభావం మొక్కల మీద పడకుండా నియంత్రిస్తుంది. అంతే కాకుండా ఈ పొర భూమిలో తేమను పీల్చుకుంటుంది. అలాగే నేల త్వరగా ఎండిపోకుండా కాపాడుతుంది.
4. విత్తానాలు చల్లిన ప్రదేశాన్ని నీటితో నింపకూడదు. ఆ ప్రదేశంలో ప్రతిరోజు తగుమాత్రం నీటిని చిలకరించి వదలాలి. అలాగే ఎండుటాకులు, మొక్కలకు హాని కలిగించే పురుగులను ఎప్పటికప్పుడు తొలగించాలి.
5. క్యారట్, బీట్ రూట్ వంటి దుంపకూరలను లోతుగా ఉండే కుంపట్లు, లేదా బాక్స్ టైప్ వాటిలో నాటుకోవాలి. పాలకూర, కొత్తిమీర వంటి ఆకు కూరలకు విత్తనాలను టబ్ లనో చల్లాలి.
6. టమోటో, బఠాణీ, కీరదోసం వంటి వాటికి నిలువుగా ఉన్న కంటైనర్ లను వాడాలి. తీగజాతి చెట్లకు కాయలు కిందకు వేళ్లాడుతాయి కాబట్టి అవి నేలకు ఏమాత్రం తగలకుండా ఉండేట్టు ఏర్పాటు చేసుకోవాలి.
7. అరుదైన పూల మొక్కలు పెంచితే మీ ప్రత్యేకత పెరుగుతుంది. గార్డెన్ చక్కగా మెయింటైన్ చేసే ఇల్లు ఆరోగ్యంగా, ఆనందంగా ఉంటుంది. తాజా పూల పరిమళాలను ఆశ్వాదించటంతో పాటు తాజా కాయగూరలతో రుచికరమైన భోజనం చేయవచ్చు.ఔషధ ప్లాంట్లు మాత్రమే పెంచితే హాబీ, ఆరోగ్యం, అమ్మితే లాభం కూడా. కాస్త ఎక్కువ స్థలం ఉంటే ఇది సాధ్యం. రోజంతా ఒత్తిడుదలకు లోనయినా అరగంట సమయం మొక్కల మధ్య తిరిగితే టెన్షన్ నుంచి బయటపడవచ్చు.