వేసవిలో ఇండోర్ మొక్కలను పెంపకమే తేలిక...!

Gardening

oi-Saraswathi

By Sindhu

Published: Wednesday, April 25, 2012, 15:40 [IST]

వేసవిలో మొక్కలను పెంచుకోవడంలో కొన్ని వ్యత్యాసాలు ఉంటాయి. కొన్ని మొక్కలు వేసవిలోనే బాగా పెరుగుతాయి. కొన్ని మొక్కలు ఆకులు రాలి..కొత్తగా చిగురిస్తుంటాయి. మరికొన్ని మొక్కలు..ఎండిపోతుంటాయి. అయితే ఎక్కువ కాలం ఉండేటటువంటి మొక్కలు పెరగడానికి మాత్రం వేసవే అనుకూలమైనటువంటి కాలం. కాబట్టి వేసవిలో పెంచుకోగలిగే మొక్కల గురించి కొన్ని జాగ్రత్తలు తీసుకొంటే వేసవిలో కూడా ఇంట్లో పచ్చదనంతో పాటు, ఆహ్లాదకరమైన వాతావరణం కలిగి ఉంటుంది. ఇంట్లో పెంచుకొనే మొక్కలకు వేసవి కాలంలో వడదెబ్బ తగలకుండా అనేక జాగ్రత్తలు పడుతుంటాం. మరి ఇళ్లలో పెంచుకునే మొక్కల విషయంలో మాత్రం తగినంత జాగ్రత్త తీసుకుంటున్నామా, లేదా అని ఒక్కసారి ఆలోచించుకోవాలి. ఇంట్లో స్వచ్ఛమైన గాలిని అందించే ఇండోర్ ప్లాంట్స్ విషయంలో తప్పకుండా జాగ్రత్తలు తీసుకోవాలి. ఇందుకోసం సూర్యరశ్మి నేరుగా సోకని ప్రాంతాలలో ఈ మొక్కలను ఏర్పాటు చేసుకోవాలి.

వేసవి మొదలవుతుందంటే మొక్కలను ట్రింమ్ చేయడం, ఎండిన ఆకులను, కొమ్మలను తొలగించడం వంటివి తప్పకుండా చేయాల్సి ఉంటుంది. అందుకు మార్చి, ఏప్రిల్ నెలలు అనుకూలమైనవి. సాధారణంగా మొక్కలకు నీళ్లు ఎంత అవసరం అన్న సంగతి కుండీలోని మట్టిని తాకగానే తెలిసిపోతుంది. ఒకసారి తాకగానే ఎండినట్లు కనిపిస్తే వెంటనే నీటిని పోయాలని అర్థం చేసుకోవాలి. కనీసం నెలకోసారి ఏదేని ఎరువుల రసాయనాన్ని నీటిలో కలిపి మొక్కలకు పోస్తే ఆరోగ్యంగా కనిపిస్తాయి. అయితే ఎరువుల మోతాదు ఏమాత్రం పెరిగినా మొక్కలు చనిపోయే అవకాశం ఉంది.

అలాగే మొక్కలు పెరిగే కొద్ది వాటి వేర్లు విస్తరిస్తుంటాయి. కాబట్టి మొక్కల సైజును బట్టి చిన్న కుండీల నుండి పెద్ద కుండీలలోని మార్పు చేయుటకు అనువైన కాలం. ముఖ్యంగా ఇండోర్ మొక్కలను డైరెక్ట్ సన్ లైట్(సూర్య రశ్మి)పడకుండా చూసుకోవాలి. వేసవిలో రూం టెపరేచరే ఈ మొక్కలకు సరిపోతుంది. మిగతా కాలాల్లో అయితే అప్పుడప్పుడు కొద్ది సమయం బయట తీసుకెళ్ళి పెట్టి తిరిగి లోపల పెట్టుకోవాల్సి వస్తుంది. అయితే వేసవిలో ఆ ఇబ్బంది ఉండదు.కుండీలో ఏర్పాటుచేసే మొక్కలకు చెదలు పట్టవు. పురుగుల బెడదా ఉండదు. అయినప్పటికీ ముందు జాగ్రత్తగా రెండు వేప నూనెను నీటిలో కలిపి పిచికారి చేస్తే మంచిది. ఇలా చేయటంవల్ల మట్టి ద్వారా సంక్రమించే తెగుళ్లు, పురుగుల్ని అరికట్టొచ్చు. మొక్కలను ఎప్పుడూ ఒకేచోట, ఒకే కోణంలో ఉంచకూడదు. ఒకటి లేదా రెండు వారాలకు ఒకసారి వాటిని మారుస్తూ ఉండాలి.