పసిపిల్లలకు పౌష్టికాహారాన్ని అంధించే విధానం..

పిల్లలు బరువు క్రమ పద్ధతిలో పెరుగున్నారా లేదా అనే విషయాన్ని తల్లదండ్రులకు ఎప్పటికప్పుడు గమనిస్తుండాలి. అతి బరువు, అతి తక్కువ బరువుతో గనుక పిల్లలు పెరగుతుంటే ప్రత్యేక శ్రద్ధ వహించాల్సి ఉంటుంది. అతి బరువు, అతి తక్కువ బరువుతో గునుక పిల్లలు పెరుగుతుంటే ప్రత్యేక శ్రద్ద వహించాల్సి వుంటుంది. పిల్లలు చురుకుగా ఆటల్లో పాటలో పాల్లొంటున్నారా లేదా? యాక్టివ్ గా ఉన్న పిల్లలు ఆరోగ్యంగా వున్నట్టు పిల్లలకి బాగా ఆకలి వేస్తోందా లేదా? రోజూ విరేచనం సాఫీగా ఉంటోందా లేదా?అనే విషయాలు తప్పకుండా గమనిస్తుండాలి. ఆకలి వేస్తుందీ లేనిది వారు తీసుకునే ఆహార క్రమాన్ని బట్టి అర్థమౌతుంది. జలుబు, దగ్గు వగైరాలు వంటి చిన్నా చితక నలతలు కనుక ఎక్కువగా వస్తుంటే వారిలో రోగ నిరోధక శక్తి పెంపొందించే ఆహారాన్ని అందించాలి. అంటే ప్రోటీన్, విటమిన్స్, మినరల్స్....

అలాగే ఆటల్లో పాల్గొంటే శక్తిని పొందగలుగుతారు. పిల్లలకి ఎప్పుడూ ఏ కొత్త ఆహారం యిచ్చినా అవి ఎంత వరకు శరీర తత్వాతనికి పడుతున్నదీ లేనిది ఒకటి రెండు రోజుల పాటు గమనిస్తుండాలి. కొందరికి కొన్ని రకాల పదార్థాలు, వస్తువులు పడవు. అప్పుడు ఎలర్జీ వచ్చే అవకాశం ఉంటుంది. విరోచనాలు అవడం, వొంటి మీద దద్దుర్లు లేదా దురద, వాపు వంటి రావడం జరగొచ్చు. లేదంటే వాంతులు కావచ్చు. ఇలాంటి లక్షణాలను వెంటనే గమనించి వెంటనే డాక్టర్ కి చూపించి మందులు వాడాలి.

ముఖ్యంగా ఇలాంటి సింప్టమ్స్ నెలల పిల్లల్లో కనిపిస్తే వెంటనే మొలకువతో తగు జాగ్రత్తలు తీసుకోవాలి. పిల్లల వయసు క్రమానుసారం ఆహార పట్టిక ..

0-3 నెలల పిల్లలకి: డిమాండ్ ఫీడింగ్ చేయాలి. అంటే బేబీ ఎప్పుడు కావాలంటే అప్పుడు తల్లి పాలు ఇవ్వాలి. తల్లిపాలు సరిపోకపోతే పోతపాలు పట్టించాలి.
ఎలా అంటే: 0-15 రోజుల బేబీకి: ఒక పాళ్ళు పాలు, రెండు పాళ్ళు నీళ్ళు. రెండు వారాల పాపాయికి : రెండు పాళ్ళు పాలు, ఒక పాలు నీళ్ళు. 6 వారాల నుంచి 3 నెలలపాపాయికి మూడు పాళ్ళు పాలు. ఒక పాలు నీళ్ళు. 3 నెలల నుంచి నీళ్ళు కలపని చిక్కటి పాలు పట్టొచచు. ఒక వేళ పాప సరిగ్గా జీర్ఝం చేసుకోవడం లేదని అనిపిస్తే తగినంత నీళ్ళు కలిపి, తర్వాత నీటి శాతాన్ని తగ్గించాలి.

3-6నెలల పాపాయికి ఇవ్వవలసిన ఆహారం: తల్లిపాలు, పోతపాలు, మెత్తగా వండిన అన్నం లేక ఉప్మా రవ్వ, లేదా సగ్గుబియ్యం, కొద్దిగా పప్పు కూడా కలపాలి. మెత్తగా ఉడికించిన బంగాళా దుంప, టమోటో, గుజ్జు, అరటి పండు. 1-2 టీస్పూన్లు, ఉడికించిన మెత్తని గుడ్డు.

6-9 నెలల పాపాయికి: తల్లిపాలు, పోతపాలు, ఇంకా పైన పేర్కొన్న ఆహారంలో అరకప్పు వరకూ ఇవ్వొచ్చు.

9- 1 సంవత్సరాల పిల్లలకి: పోతపాలు, పైన చెప్పిన ఆహారంలో బ్రెడ్, చపాతీ, జావ... వండిన మెత్తటి కూరగాయలు మెత్తగా వుడికించిన వండిన మాంసాహారం సూప్స్ ఇవ్వొచ్చు.
2-5 సంవత్సరాల పిల్లలకి: బ్రేక్ ఫాస్ట్: ఇడ్లీ, రాగి జావ, బ్రెడ్ వీటిలో ఏదో ఒక దానితో పాటు పాలు ఒక గ్లాసు, మధ్యలో ఒక పండు, లంచ్ లో అన్నం లేక చపాతీ, పప్పు కూరగాయలు, పెరుగు, సాయంత్రం పాలు, వేయించిన పల్లీలు, లేదా ఉడకబెట్టిన శనగలు, లేక గుడ్డు లేక అరటిపండు. రాత్రి భోజనానికి అన్నం లేక పెరుగు, కూరగాయలు, రాత్రి పడుకోబేయే ముందు పాలు ఇవ్వొచ్చు.