Just In
- 3 hrs ago ఈ రోజు రాశిఫలాలు : శుక్రవారం లక్ష్మీ కటాక్షం వీరికి సంపూర్ణంగా ఉంటుంది..వీరికి ధనలక్ష్మీ వరమిస్తుంది.
- 9 hrs ago ఈ 4 రాశుల వారు ఎల్లప్పుడూ ఇతరులకు రహస్య శ్రేయోభిలాషులు..
- 9 hrs ago చాణక్య నీతి ప్రకారం, ఈ అలవాట్లు మీకు తెలియకుండానే మీ సంపదను పూర్తిగా నాశనం చేస్తాయి...!
- 13 hrs ago Bhagavad Gita Slokas : భగవద్గీతలోని ఈ శ్లోకాలు జీవితానికి చాలా అవసరం..!
ఒకరకంగా పిల్లలకు ఈ అలవాటు మంచిదే ఎందుకంటే..!?
పిల్లలకు తల్లి గర్భంలో ఉన్నప్పటి నుంచే నోట్లో వేళ్లు పెట్టుకునే అలవాటు ఉంటుందని కెనడా పరిశోధకులు చెబుతున్నారు. తర్వాత కూడా ఈ అలవాటును కొనసాగిస్తే అలర్జీలు వచ్చే ప్రమాదం ఏ మాత్రం ఉండదట..
'ఒరేయ్ నోట్లో వేలు తీయ్..ఇదేం అలవాటు'? చిన్న పిల్లలు ఉన్న ప్రతీ ఇంట్లో ఇది పాపులర్ డైలాగే ! నోట్లో వేలు పెట్టుకుని పిల్లలు కనిపిస్తే వారిని తల్లిదండ్రులు మందలించడం షరామామూలే..అయితే నోట్లో వేలు పెట్టుకోవడమేమీ చెడ్డ అలవాటు కాదని అంటున్నారు శాస్త్రవేత్తలు. గోర్లు కొరకడం, బొటనవేలు నోట్లో పెట్టుకునే పిల్లల్లో రోగ నిరోధక శక్తి పెరుగుతుందట!
పిల్లలు ఎప్పుడూ నోట్లో వేళ్లు పెట్టుకుంటూ ఉంటే పళ్లు దెబ్బతింటాయనీ, నత్తి వచ్చే ప్రమాదం ఉందని తల్లిదండ్రులు ఆందోళన పడుతుంటారు. వారి చేత ఆ అలవాటు మాన్పించేందుకు శతవిధాలా ప్రయత్నిస్తుంటారు. కానీ, ఆ అలవాటు కూడా మంచిదేనని చెబుతున్నారు పరిశోధకులు.
ఈ అలవాట్లు పెరిగే క్రమంలో దీర్ఘకాలంలో అలర్జీలు రాకుండా కాపాడుకునే అవకాశం ఉంటుందని ఒటాగో యూనివర్సిటీకి చెందిన శాస్త్రవేత్తల బృందం వెల్లడించింది. ఇంట్లోని దుమ్ము, ధూళి, కుక్క, పిల్లిలాంటి పెంపుడు జంతువుల వెంట్రుకల ద్వారా వచ్చే అలర్జీల నుంచి కాపాడుకునేందుకు సరిపడే శక్తి నోట్లో వేలు పెట్టుకోవడంతో వస్తుందని శాస్త్రవేత్తలు వివరించారు.
పిల్లలకు తల్లి గర్భంలో ఉన్నప్పటి నుంచే నోట్లో వేళ్లు పెట్టుకునే అలవాటు ఉంటుందని కెనడా పరిశోధకులు చెబుతున్నారు. తర్వాత కూడా ఈ అలవాటును కొనసాగిస్తే అలర్జీలు వచ్చే ప్రమాదం ఏ మాత్రం ఉండదనీ, పైగా కొన్ని రకాల ఆరోగ్య సమస్యలను దూరంగా ఉంచుతుందనీ అంటున్నారు.
దానికి గల కారణాలను ఇలా విశ్లేషిస్తున్నారు. చిన్నారుల వేళ్ల మీద, గోళ్ల మీద అనేక రకాల క్రిములు ఉంటాయి. నోట్లో వేళ్లు పెట్టుకునే సందర్భంలో ఇవి వారి కడుపులోకి వెళ్లిపోతాయి. సహజంగానే ఈ క్రిములను ఎదుర్కొనే రోగ నిరోధక శక్తి కూడా పసితనం నుంచే పెరుగుతూ వస్తుంది. క్రిములు పెరిగే కొద్దీ రోగాలను తట్టుకునే శక్తి కూడా శరీరానికి వస్తుందని పరిశోధకులు అంటున్నారు.
మామూలు చిన్నారుల కంటే వేళ్లను నోట్లో పెట్టుకునేవారికి 31 శాతం అధికంగా రోగనిరోధక శక్తి ఉంటుందని చెబుతున్నారు. అయితే ఏఏ క్రిముల పట్ల ఇలాంటి నిరోధక శక్తి వస్తుందో ఇంకా తెలియలేదనీ దాన్ని ధ్రువపరిచే పనిలో ఉన్నట్లు తెలిపారు. కొద్ది వయస్సు వరకు మాత్రమే ఈ అలవాటు మంచిదనీ, పెద్దయ్యాక కూడా ఇలాగే చేస్తే వైద్యులను సంప్రదించాలని సూచిస్తున్నారు.