ప్రసవం తర్వాత అధికంగా రాలే జుట్టును అరికట్టుట

సాధారణంగా నేటి యువతీ యువకుల్లో జుట్టు (వెంట్రుకలు) రాలిపోవడం ఎక్కువగా జరుగుతుంది. అలాగే మరికొందరికి జట్టు పలచబడడం, బట్టతల రావడం ఉంటుంది. నిజానికీ జట్టు రాలడం శారీరక, మానసిక ఒత్తిడికి లోనుకావడమే ఏకైక కారణమని పెక్కుమంది వైద్యులు చెపుతుంటారు. మరికొందరిలో దీర్ఝకాలిక జబ్బులు, తీవ్రమైన అంటు వ్యాధులు, ఆపరేషన్లు చేసిన తర్వాత కూడా జుట్టు రాలిపోవచ్చన్నారు. హార్మోనుల అసమతుల్యం మూలంగా, మహిళల్లో ప్రసవం తర్వాత జట్టు ఎక్కువగా రాలిపోతుంది.

గర్భిణి సమయంలో తగినంత పోషకాహారం తీసుకుంటారు. పుట్టబోయే బిడ్డకోసమైనా తగినన్ని జాగ్రత్తలు తీసుకుంటారు. విటమిన్ సప్లిమెంట్లు వాడుతుంటారు. వీటన్నింటి వల్ల జుట్టు చాలా తక్కువగా రాలుతుంటుంది. అదే ప్రసవం అయిన తర్వాత విపరీతంగా జుట్టు రాలిపోతుంటుంది. ‘బిడ్డ బయటకు వచ్చేసింది కదా! ఇంకా ఎందుకు జాగ్రత్తలు తీసుకోవడం' అనుకుంటారు. సమతుల ఆహారం, సరైన శుభ్రత పాటించకపోవడం, ఈ సమయంలో ఎదురయ్యే మానసిక మార్పుల వల్ల జుట్టు ఎక్కువగా రాలిపోతుంటుంది. అందుకని గర్భిణి అప్పుడు ఎలాంటి జాగ్రత్తలు తీసుకున్నారో అలాంటివే పాటిస్తే సమస్య ఉత్పన్నం కాదు.

ప్రెగ్నెన్సీ సమయంలో చాలా మందికి జుట్టు ఊడిపోతుంటుంది. మీరూ గమనించి ఉంటారు. ప్రసవం తర్వాత కూడా కొందరిలో కంటిన్యూ అవుతుంది. ఇందుకు కాల్షీయం లోపం కూడా కారణమే. దీంతోపాటు జుట్టు బిరుసు ఎక్కడం. చివర్లు రెండుగా చీలిపోవడం లాంటి సమస్యలు కూడా ఎదురవుతాయి. దీన్ని నివారించాలంటే......

1. మొదట ప్రధానంగా మానసిక ఒత్తిడి తగ్గించుకొని, పౌష్టికాహారం తీసుకోవాలి.
2. తర్వాత మాయిశ్చరైజర్ ఉన్న కండిషనర్ ఉపయోగించాలి. జుట్టు దువ్వుకునే సమయంలో జాగ్రత్తలు పాటించడం.
3. మీ గైనిక్ డాక్టర్ సలహా పై జుట్టు రాలిపోవడానికి కారణమైన మందులను మార్చడం.
4. ఎండుగా, జిడ్డు లేకుండా ఉంచుకోవడం. ప్రెగ్నెన్సీ సమయంలో సింపుల్ హెయిర్ స్టైల్స్ కలర్ వేసుకోవడం మొదలెట్టవచ్చు.
5. ప్రెగ్నెన్సీ సమయంలో సమయలో సింపుల్ హెయిర్ స్టైల్ బెస్ట్. పైన చెప్పినవన్నీ క్రమం తప్పకపాటిస్తే మిమ్మల్పి చూసిన వారు ప్రెగ్నెన్సీ బ్యూటీ అని పిలుస్తారు.
6. శరీరం ఆరోగ్యంగా ఉండటానికి పోషకాహారం ఎలా తీసుకుంటామో, జుట్టు రాలిపోకుండా కూడా తగిన ఆహారాన్ని తీసుకోవాలి. ముఖ్యంగా ఐరన్, క్యాల్షియం, జింక్, పొటాషియం, విటమిన్ ‘ఎ', ‘ఇ', ఆకుకూరలు, పండ్లు, పాల ఉత్పత్తులు సమతూకంలో తీసుకోవాలి.
7. జుట్టు ఆరోగ్యంగా ఉండటానికి రోజూ 7-8 గంటలు నిద్రపోవడం, 8-10 గ్లాసుల నీరుతాగడం, మానసిక ఒత్తిడిని తగించుకోవడం వంటి జాగ్రత్తలు తీసుకోవాలి.