అందమైన..నాజూకైన శరీర ఆకృతి మీ సొంతం కావాలంటే

Body Care

oi-Saraswathi

By Sindhu

Published: Saturday, February 18, 2012, 15:34 [IST]

మనిషికి ముఖం ఒక్కటే అందంగా ఉంటే సరిపోదు. శరీరాకృతి కూడా చక్కగా ఉంటేనే అందంగా కనిపిస్తారు. ఖరీదైన బట్టలు లేదా ఖరీదైన నగలు ధరిస్తేనే అందం అని చాలా మంది భావిస్తారు. అయితే ఇది ఎంతమాత్రం నిజం కాదు. శరీరంలో పలు ప్రాంతాలలో కొవ్వు పేరుకుపోయి శరీరాకృతిని అందవిహీనంగా మార్చుతుంది. అలా కాకుండా ఏమాత్రం కొవ్వు లేకుండా మంచి శరీరాకృతిని సొంతం చేసుకోవాలంటే కొన్ని లోఫ్యాట్ ఆహారపదార్థాలును తీసుకోవాలి...

1. గ్రీన్ టీ: గ్రీన్ టీ ఆరోగ్యానికే కాకుండా అందంగా ఉంచడానికి దోహదం చేస్తుందని నిపుణలు అంటున్నారు. ముఖ్యంగా స్త్రీలు గ్రీన్ టీ తాగడం వలన బోలెడు లాభాలు పొందవచ్చు. రోజుకు రెండు లేదా మూడు కప్పుల గ్రీన్ టీ తాగడం వల్ల జీర్ణప్రక్రియ వేగవంతం అవుతుంది.

2. సూప్స్: భోజనానికి ముందు సూప్స్ తీసుకోవాడం చాలా మందికి అలవాటు. ఈ అలవాటు చాలా మంచిదని ఆరోగ్యనిపుణులు అంటున్నారు. కొవ్వును త్వరితగతిన కరిగించే గుణం సూప్స్ కు ఉందని వారు చెబుతున్నారు. మంచి శరీర ఆకృతిని సొంతం చేసుకోవాలంటే సూప్స్ ను తీసుకోవడం తప్పనిసరి. వీటి వలన ఆహారాన్ని తక్కువ తీసుకుంటారు. దాని వలన తక్కువ క్యాలరీలు శరీరంలో చేరతాయి.

3. మిరపకాయలు, మిరియాలు: మిరియాలు, మిరపకాయలు ఆహారంలో చేర్చుకోవడం ద్వారా అధికబరువును తేలికగా తగ్గించుకోవచ్చు. బరువు తగ్గించుకునేందుకు అనుసరించే అన్నిపద్దతుల కన్నా ఈ పద్దతి ద్వారా త్వరగా మెరుగైన ఫలితాన్ని పొందవచ్చు.

4. ఓట్ మీల్: ఉదయం చేసే బ్రేక్ ఫాస్ట్ లో ఇడ్లీ, దోశె, పూరీ, చపాతీలాటి వాటికన్నా ఓట్స్ ను తీసుకుంటే మంచిది. ఇది గుండె జబ్బులతో సమర్థవంతంగా పోరాడడమే కాకుండా, అధికబరువును తగ్గిస్తుంది. దీనిలో ఫ్యాటీ ఫైబర్ జీర్ణప్రక్రియను ఎక్కువ చేస్తుంది.

5. ఆకుకూరలు: ఆకుకూరలు ఆరోగ్యాన్ని ఇవ్వడమే కాకుండా అధికబరువును కూడా తగ్గిస్తుంది. ముఖ్యంగా బ్రాకోలీ చాలా మంచిది. వారంలో కనీసం రెండు సార్లు ఆకుకూరలు ఆహారంలో చేర్చుకొంటే మంచింది.

6. మొలకెత్తిన విత్తనాలు: మొలకెత్తిన విత్తనాలు, సోయాబీన్స్ ఇవి ఆహారంలో ఉండేలా చూసుకోవాలి. మొలకెత్తిన విత్తనాలు, కిడ్నీ బీన్స్, బఠాణీలు, మొదలైనవి నీటిలో కరిగే పీచు కొల్లెస్టరాల్ లెవెల్ తగ్గిస్తుంది.