చుండ్రును నివారించే 7 సీక్రెట్ హోం రెమెడీస్ ..

గుడ్డు:

గుడ్డు:రెండు గుడ్లను పగులగొట్టి సొనను బాగా గిలకొట్టాలి, ఈ సొనను తలకు బాగా పట్టించి ఒక గంట తర్వాత తేలికపాటి షాంపూ ఉపయోగించి గోరువెచ్చిని నీటితో తలస్నానం చేయడం వల్ల చుండ్రు మరియు హెయిర్ ఫాల్ ను అరికడుతుంది. తలస్నానం చేసిన తర్వాత కోడిగుడ్డును జుట్టుకు పట్టించండి. ఇది మంచి కండిషనర్ గా పనిచేస్తుంది. ఇది కూడా చుండ్రును తగ్గిస్తుంది.

వెనిగర్:

వెనిగర్: సెడార్ వేనిగార్ ను నీటితో కలిపి దూదితో మీ తలకు పట్టించండి. ఈ పద్ధతి కూడా మీ జుట్టునుండి చుండ్రును పోగొడుతుంది.వెనిగర్ మరియు నీళ్ళు సమపాళ్ళలో తీసుకొని, బాగా మిక్స్ చేసి రాత్రి నిద్రపోయే ముందు తలకు బాగా పట్టించాలి. తర్వాత రోజు ఉదయం నిద్రలేచిన తర్వాత మీ తలను తేలికపాటి బేబీ షాంపూను ఉపయోగించి తలస్నానం చేసుకోవాలి.

మెంతి:

మెంతులు మెంతి ఆకు లేదా మెంతులు చుండ్రును నివారించడంలో గ్రేట్ గా సహాయపడుతుంది. మెంతుల్లో యాంటీ బ్యాక్టీరియల్ మరియు యాంటీ ఫంగల్ లక్షణాలు పుష్కలంగా ఉండటం వల్ల చుండ్రును పారద్రోలుతుంది.2టేబుల్ స్పూన్ల మెంతులను నీటిలో రాత్రంతా నానబెట్టుకోవాలి. తర్వాత రోజు ఉదయం వాటిని మిక్సీలో వేసి మెత్తని పేస్ట్ గా తయారు చేసుకోవాలి. ఈ పేస్ట్ ను తలకు మరియు కేశాలకు బాగా పట్టించి అరగంట తర్వాత శుభ్రం చేసుకోవాలి. ఈవిధంగా నాలుగు వారాల పాటు క్రమం తప్పకుండా పాటించండి.

నిమ్మకాయ:

చుండ్రు అనగానే చాలామంది నిమ్మచెక్కతో బరాబరా జట్టుపై రాసి రుద్దేసి కడిగేస్తుంటారు. అలా కాకుండా తలస్నానం చేసిన తరువాత ఒక టీస్పూన్ తాజా నిమ్మరసాన్ని ఓ మగ్గు మంచినీటిలో కలిపి జుట్టు తడిసేలా కడిగితే సరిపోతుంది. ఇలా నెలకు ఒకసారి చేస్తే చుండ్రు మాయమవుతుంది.పెరుగు: పెరుగును వివిధ రకాల కురలు సమస్యలకు(చుండ్రు, చివరులు చిట్లడం, దురద, పొడిబారడం) ఉపయోగించి ఉంటారు. అంతే కాదు ఈ పెరుగుతో నేచురల్ గా కురులు సున్నితంగా తయారవుతాయి.

పెరుగు:

మీ కేశాలకు పెరుగును బాగా పట్టించి ఒక గంట పాటు అలాగే వదిలేయాలి. ఒక గంట తర్వాత తేలికపాటి షాంపూతో తలస్నానం చేయాలి. ఇలా వారానికి రెండు సార్లు చేస్తే మంచి ఫలితం ఉంటుంది.

ఆలివ్ ఆయిల్:

గోరువెచ్చని బాదాం నూనె, కొబ్బరినూనె లేదా ఆలివ్ ఆయిల్ ను తలకు బాగా మసాజ్ చేసి రాత్రంతా అలాగే ఉంచి ఉదయం తలస్నానం చేయడం వల్ల చుండ్రును సులభంగా వదలగొడుతుంది.

రోజ్ వాటర్:

బాదం నూనె మరియు రోజ్ వాటర్ మిక్స్ చేసి తలకు పట్టించాలి. జెల్ లాగా పట్టించాలంటే ఇందులో కొద్దిగా అలోవెర జెల్ మిక్స్ చేసి , రాత్రి నిద్రించడానికి ముందు తలకు పట్టించి మరుసటి రోజు ఉదయం కడిగేసుకోవాలి. ఇలా చేయడం వల్ల మంచి ఫలితం ఉంటుంది.