పెళ్లికి ముందు జుట్టు విషయంలో తీసుకోవాల్సిన జాగ్రత్తలు..

కొన్ని జాగ్రత్తలు

6 నుంచి 8 వారాలకు ఒకసారి జుట్టు చివర్లు కట్ చేయడం వల్ల చిట్లిపోవడాన్ని అడ్డుకోవచ్చు. అలాగే 6 నుంచి 8 గ్లాసుల నీళ్లు తాగాలి. జుట్టుకి కూడా ఎండ తగలకుండా.. స్కార్ఫ్ కట్టుకోవడం మంచిది.

ఆవనూనె

మీ జుట్టు డ్యామేజ్ అయి ఉంటే.. పెళ్లి రోజూ మీ జుట్టు అందంగా కనిపించడానికి సింపుల్ టిప్ ఫాలో అవ్వండి. 4 టేబుల్ స్పూన్ల కొబ్బరినూనె, అదే మోతాదులో ఆవనూనె మిక్స్ చేసి.. స్కాల్ప్ కి పట్టించాలి. ఉదయాన్నే మైల్డ్ షాంపూతో శుభ్రం చేసుకుంటే.. మెరుగైన ఫలితాలు పొందవచ్చు. ఇలా వారానికి రెండుసార్లు చేయాలి.

పీహెచ్ బ్యాలెన్స్ షాంపూ

పీహెచ్ బ్యాలెన్స్ చేసే న్యాచురల్ షాంపూ ఉపయోగించడం వల్ల స్కాల్ప్ హెల్తీగా ఉంటుంది. 1 క్యాన్ ఆర్గానిక్ కొకొనట్ షాంపూ, మూడో వంతు కప్పు లోవెరా షాంపూ, ఎసెన్షియల్ ఆయిల్ తీసుకోవాలి. అన్నింటినీ ఒక గిన్నెలో మిక్స్ చేయాలి. ఐస్ ట్రేలో వేసి.. ఫ్రిడ్జ్ లో పెట్టాలి. ఒక ఐస్ క్యూబ్ తీసి.. రెగ్యులర్ షాంపూలా తయారు చేయాలి.

హెయిర్ మాస్క్

చర్మంలాగే జుట్టుకి కూడా.. ఉపశమనం కావాలి. కండిషనింగ్ అవసరం. ఒక ఎగ్ వైట్, అర టీస్పూన్ తేనె, 2 టీస్పూన్ల ఆలివ్ ఆయిల్ తీసుకోవాలి. అన్నింటినీ ఒక గిన్నెలో మిక్స్ చేసి.. బాగా కలపాలి. కాటన్ బాల్ సహాయంతో.. ఈ మిశ్రమాన్ని జుట్టుకి పట్టించాలి. చూపుడువేలుతో మసాజ్ చేసుకోవాలి. తర్వాత హాట్ టవల్ చుట్టుకోవాలి. గంట తర్వాత హెర్బల్ షాంపూతో స్నానం చేయాలి.

కొత్త ప్రయత్నాలు వద్దు

కొత్త హెయిర్ స్టైల్, హెయిర్ కలర్, హెయిర్ ప్రొడక్ట్ వాడటానికి పెళ్లికి ముందు ఏమాత్రం సరైన సమయం కాదు. కాబట్టి.. మామూలుగా వాడే వాటినే.. వాడటం మంచిది. లేదంటే.. సైడ్ ఎఫెక్ట్స్, స్కాల్ప్ ఇన్ఫెక్షన్ ఇబ్బందిపెడతాయి.

పోషకాలు

జుట్టు, చర్మం ఆరోగ్యానికి తగ్గట్టు ఉంటాయి. కొన్ని తాజా కూరగాయలు, ఫ్రూట్ జ్యూస్, కొన్ని నట్స్, ప్రొటీన్ రిచ్ మాంసం తీసుకోవాలి. ఎంత వీలైతే అంత మొత్తంలో తినడం వల్ల.. మెరుగైన ఫలితాలు పొందుతారు. అలాగే టెన్షన్ పడకుండా.. చాలా రిలాక్స్ ఉండాలి.