మగవారిలో మొటిమలు.. వాటి తాలుకు మచ్చలు పోగొట్టే చిట్కాలు...

Skin Care

oi-Saraswathi

By Sindhu

Published: Thursday, July 12, 2012, 13:13 [IST]

మొటిమలు: ఇప్పుడు యూత్ లో ముఖ్యంగా ఇది ఒక సాధారణ సమస్యగా తయారైంది. ముఖ్యంగా ఈ మొటిమలు అనేటివి యూత్ లో ఎందుకు వస్తాయంటే స్త్రీ అయినా, పురుషుడైన కౌమరా దశలోకి అడిగిపెట్టేట్టప్పుడు శరీరంలో అనేక మార్పులు సంతరించుకొంటాయి. దాంతో హార్మోనల్ ఇన్ బ్యాలెన్స్ వల్ల మొటిమలు రావడం అనేది సర్వసాధారణం. మొటిమలు 12 సంవత్సరాల వయసు నుంచి 24 సంవత్సరాల వయసు వరకూ వస్తుంటాయి. కాబట్టి అటువంటి సమయంలో కొన్ని జాగ్రత్తలు తీసుకొంటే మొటిమల నివారించవచ్చు. మొటిమలు ముఖ్యంగా ముఖం, మెడ, ఛాతీ మరియు భుజాలు వంటి మా అన్ని శరీర భాగాల మీద వస్తాయి.

యుక్తవయసు వచ్చిన యువతీయువకుల్లో కొవ్వు పదార్థం చేరి చిన్న చిన్న మొటిమలు ముఖంపై ఎక్కువగానూ, ఛాతీ, వీపుపై తక్కువగా వస్తాయి. ఇలా యుక్తవయసులో మొటిమలు రావడం సహజమే అయినప్పటికీ, మొటిమలు ఏర్పడగానే తాము అందవిహీనులవుతున్నామని వారు భావిస్తారు. అంతేకాకుండా మార్కెట్‌లో లభించే రకరకాల క్రీములను, లోషన్‌లను రాసుకోవడం, మొటిమలను గిల్లడం మొదలైనవి చేయడం వల్ల మొటిమలు తగ్గకపోగా ఇన్‌ఫెక్షన్‌కు గురై చీము కారడం, మచ్చలు, గుంటలు ఏర్పడతాయి.

మగవాళ్ళలో ఈ హార్నోను ఎక్కవగా వాడితే, వాళ్ళకి ఈ లక్షణాలువచ్చే ప్రమాదం వుంది. ముఖంమీద వున్న మొటిమలు అసహ్యంగా ఉన్నాయని గోళ్ళతో గిల్లడంకాని, వేళ్ళతో నొక్కి పిండడం కాని చేయకూడదు. అందవికారంగా ఉండటం ఎలా వున్నా ఇలా చేయడంవల్ల సెప్టిక్ కావడానికి అవకాశం వుంది. అన్ని సందర్భాలలోనూ సెప్టిక్ కాకపోయినా మొటిమలు గిల్లినచోట మోఖంమీద గుంటలు ఏర్పడి జీవితాంతం వుండిపోతాయి. కొందరికి మొటిమలు చీముపట్టి పెద్దవిగా అవుతాయి. అటువంతప్ప్పుడు డాక్టరుకు చూపించినట్లయితే డాక్టరు తగిన జాగ్రత్తలతో వాటినుండి చీముతీసివేసి తేలికగా మానిపోయేటట్లు చేస్తారు.

టీనేజ్‌లో మొటిమలు, బ్లాక్‌హెడ్స్‌తో సమస్య అధికమై యాక్నెకు దారి తీస్తుంది. దీని వలన టీనేజ్‌ అమ్మాయిలు లేక అబ్బాయిలు బయటకు వెళ్లుటకు చాలా ఇబ్బంది పడుచుంటారు. కావున చర్మం తిరిగి క్లియర్‌గా అందంగా, ఆకర్షణీయంగా రావాలంటే ఇంట్లోనే చేసుకోదగిన సింపుల్‌ సూచనలు...

1. వేరుశనగ నూనె ఒక చెంచా తీసుకొని అందులో నిమ్మరసం కలిపి ముఖానికి పట్టించి కొద్దిసేపటి తర్వాత గోరు వెచ్చటి నీటితో శుభ్రపరచుకొంటే మొటిమలు, దాని ద్వారా ఏర్పడ్డ నల్ల మచ్చలు తొలగిపోతాయి.
2. ఆరెంజ్ పొట్టును తురిమి లేదా మెత్తని పేస్ట్ లా తయారు చేసి ముఖం మీద, ముఖ్యంగా మొటిమలు ఉన్న ప్రదేశంలో అప్లై చేసి ఇరవై నిమిషాల తర్వాత శుభ్ర పరచుకోవాలి.
3. లేత మునగకాయ కాడలు, ముగ ఆకులు బాగా మొత్తని పేస్ట్ లా తయారు చేసుకొని దానికి నిమ్మరసం కలిపి బాగా మిక్స్ చేసి మొటిమలు మీద అప్లై చేసి అరగంట తర్వాత శుభ్ర పరచుకోవాలి. ఇలా చేయడం వల్ల మొటిమలు తగ్గిపోతాయి. మొటిమలకు సంబంధించిన చికిత్సకు ఇది ఉత్తమమైన పద్దతి.
4. ముఖం మీద మొటిమలు ఉన్న చోట ఐస్ ముక్కలను రబ్ చేసి మంచి ఉపశమనమిస్తుంది.
5. ఒక చెంచా తేనెలో ఒక చెంచా టమోటో జ్యూస్ మిక్స్ చేయాలి. ఈ మిశ్రమాన్ని ముఖానికి పట్టించి ఇరవై నిమిషాల తర్వాత శుభ్ర చేసుకోవాలి. ఇది ఎప్పటి నుండో ఉన్న మొటిమల మచ్చలు తొలగిపోవడానికి బాగా సహకరిస్తుంది.
6. వెనిగర్ లో ఉప్పు వేసి బాగా రంగరించి తర్వాత ముఖానికి అప్లై చేసి, అరగంట తర్వాత గోరువెచ్చని నీటితో శుభ్ర పరచుకోవాలి.