పైపెద‌విపై అవాంఛిత రోమాలు తొల‌గించే హోంరెమిడీస్

గుడ్డు తెల్లసొన

గుడ్డు తెల్లసొనలో కొంచెం మొక్కజొన్న పిండి, పంచదార కలిపి పేస్ట్ త‌యారుచేసుకోవాలి. ఈ మిశ్రమాన్ని ముఖానికి రాసుకుని అరగంట తర్వాత గోరు వెచ్చని నీటితో శుభ్రం చేసుకోవాలి. వారానికి రెండుసార్లు ఇలా చేస్తే నెలరోజుల్లో పెదవి మీద రోమాల పెరుగుదల త‌గ్గిపోతుంది.

పసుపు

పసుపులో నీళ్లు కలిపి పేస్ట్‌లా చేసి ముఖానికి రాసుకుని ఆరిన త‌ర్వాత‌ చల్లటి నీళ్లతో శుభ్రం చేసుకోవాలి. ఇలా చేయడం వల్ల ముఖం మీద అవాంఛిత రోమాలు తొల‌గిపోతాయి.

నిమ్మరసం

నిమ్మరసంలో కొద్దిగా పంచదార కలిపి వేడిచేసి చల్లారిన త‌ర్వాత‌ దూదితో అవాంఛిత రోమాలపై రాసుకుని గుండ్రంగా రుద్దాలి. తర్వాత గోరువెచ్చటి నీళ్లతో శుభ్రంగా కడగాలి. లేదా పంచదారలో కొద్దిగా నీళ్లు పోసి బాగా మరిగించి వాక్సింగ్ లా కూడా వాడుకోవచ్చు.

పాల

ఒక స్పూన్‌ పాలలో ఒక స్పూన్ పసుపు కలిపి ఆ మిశ్రమాన్ని పైపెదవిపై రాసి ఆరిన త‌ర్వాత నెమ్మదిగా రుద్ది చల్లటి నీళ్లతో కడుక్కోవాలి.

శెనగపిండి

శెనగపిండిలో కొంచెం నీళ్లు, పసుపు కలిపి ముఖానికి రాసుకోవాలి. ఆరిన త‌ర్వాత‌ చేతి వేళ్లతో నెమ్మదిగా రుద్దాలి. ఇలా చేస్తుండడం వల్ల అవాంఛిత రోమాలు తొలగిపోతాయి.

పెరుగు

ఒక గిన్నెలో పెరుగు, శెనగపిండి, పసుపు వేసి బాగా కలపాలి. ఈ పేస్ట్‌ను పై పెదవి మీద రాసి 20 నిమిషాల త‌ర్వాత‌ గోరువెచ్చని నీటితో శుభ్రంగా కడిగేసుకుంటే మంచి ఫ‌లితం ఉంటుంది.

గోధుమపిండి

గోధుమపిండిలో కొద్దిగా పసుపు, పాలు కలిపి పేస్ట్‌లా చేయాలి. ఈ పేస్ట్‌ను పైపెదవి మీద రాసి పావుగంట త‌ర్వాత‌ నెమ్మదిగా రుద్దాలి. త‌ర్వాత‌ గోరువెచ్చని నీళ్లతో కడిగేయాలి. ఇలా చేస్తుంటే సహజంగానే అవాంఛితరోమాలను తొలగించుకోవచ్చు.