డయాబెటీస్ నిర్లక్ష్యంతో అంధత్వం!

Diabetes

oi-Nageswara

By B N Sharma

Published: Wednesday, June 27, 2012, 11:27 [IST]

డయాబెటీస్ లో దీర్ఘకాలంలో, హాని జరిగే అవయవాలలో కళ్ళు ప్రధానమైనవి. షుగర్ పేషెంట్స్ ఏ మాత్రం నిర్లక్ష్యంగా వ్యవహరించినా కనుచూపు పూర్తిగా పోయి అంధత్వం పొందే అవకాశం ఉంది. రెటినోపతీ అనే కళ్ళకు సంబంధించిన సమస్య వస్తుంది. బ్లడ్ గ్లూకోజ్ ను టైట్ కంట్రోల్ లో ఉంచుకునే వారిలో కన్నా, ఉంచుకోని వారిలో నాలుగు రెట్లు అది త్వరగా వస్తుంది. ఒకవేళ ఒక షుగర్ బాధితుడు రెటినోపతికి గురై, ఆ విషయం తెల్సింది మొదలు బ్లడ్ షుగర్ లెవెల్ ను పూర్తి కంట్రోల్ లో ఉంచుకుంటే, రెటినోపతి ఆపై ప్రోగ్రెస్ కాకుండా అక్కడే నిలిచిపోతుంది. కంటికి సంబంధించిన సమస్యలు రాకుండా ఉండాలంటే, బ్లడ్ గ్లూకోజ్ తో పాటు రక్తపోటుని కూడా పూర్తిగా కంట్రోల్ లో ఉంచుకు తీరాల్సిందే. వీటికి జతగా పొగతాగటం పూర్తిగా మానివేయాలి. ఈ జాగ్రత్తలు పాటిస్తూ కనీసం సంవత్సరానికి ఒకసారయినా కంటి డాక్టర్ ను సంప్రదించి మీరు షుగర్ పేషెంట్ అన్న విషయం వారితో చెప్పి నేత్ర పరీక్ష చేయించుకోవాలి. దిగువ తెలిపిన సమస్యలు మీరు ఎదుర్కొంటున్నట్లయితే, తక్షణం కంటి డాక్టర్ ని సంప్రదించండి.
- కంటి చూపు బ్లర్ అయినట్లుంటే?
- చదవటం ఇబ్బందికరంగా ఉన్నట్లయితే?
- ఒక వస్తువు రెండుగా కన్పించే డబుల్ విజన్ మీకు వస్తే...
- మీ కళ్ళు ఎర్రబడి...ఆ ఎరుపుదనం తగ్గకుండా అలానే ఉంటే
- మీ కంటికి ఏదయినా దెబ్బతగిలితే
- కంటిలో ఏదో ఒత్తిడిగా వున్నదని మీరు భావిస్తే
- చూస్తున్నపుడు మీ కళ్ళముందు నల్లని చుక్కలు కన్పించినా, అవి గాలిలో తేలుతున్నట్లనిపించినా...
- స్ట్రెయిట్ లైన్స్ మీకు తిన్నగా కన్పించకపోయినా....
మీ వయసు 10 నుండి 30 సంవత్సరాల లోపు అయి ఉండి 5 సంవత్సరాలనుండి మీరు డయాబెటీస్ తో బాధ పడుతున్నా....
- 30 సంవత్సరాలు దాటితే, మీరు డయాబెటీస్ బాధితులయితే, తప్పకుండా సంవత్సరానికొకమారు నేత్ర వైద్యుని సంప్రదించి మీ కళ్ళు చెక్ చేయించుకోండి.
- కంటి చూపులో తేడాలను మీరు గమనించినా...మీరు తప్పక కంటి డాక్టర్ ని సంప్రదించి పూర్తి పరీక్ష చేయించుకోవాలి. షుగర్ పేషెంట్స్ పూర్తిగా చూపు కోల్పోయే అవకాశాలు ఇతరులతో పోల్చి చూస్తే చాలా చాలా ఎక్కువ కనుక జాగ్రత్తలు తీసుకోవాలి. డయాబెటీస్ తో బాధ పడేవారిలో గ్లూకోమా సంభవించే అవకాశాలు 40 శాతం అధికం. ఎంత ఎక్కువ కాలం డయాబెటీస్ తో బాధ పడితే, వయసు ఎంత ఎక్కువ ఉంటే అంతగా ఇది ఉంటుంది.
- కంటి శుక్లాలు - షుగర్ లేనివారికి కూడా ఇవి వస్తాయి. అయితే, షుగర్ ఉన్నవారికి శుక్లాలు వచ్చే అవకాశం 60 శాతం అధికం.
- డయాబెటిక్ రెటినోపతీ ...అన్న డయాబెటీస్ కారణంగా సంభవించే కంటి సమస్య, రెండు రకాలు ఒకటి నాన్ ప్రొలిఫరేటివ్, ప్రొలిఫిరేటివ్
- ఆధునిక చికిత్సా విధానంలో రెటినోపతికి కూడా చికిత్స చేయటం సాధ్యమే. ఈ ట్రీట్ మెంట్స్ తో డయాబెటీస్ రోగికి అంధత్వం రాకుండా కాపాడుతున్నారు.

కంటి పరమైన ఇబ్బంది ఎదురు కాకుండా ఉండాలన్నా, డయాబెటీస్ లో ఒకటే మార్గం. బ్లడ్ షుగర్ ను పూర్తిగా కంట్రోల్ లో ఉంచుకోండి. ఇందుకోసం చికిత్స, ఆహారం, వ్యాయామాల విషయమై అప్రమత్తంగా ఉండండి.

Disclaimer: ఈ ఆర్టికల్ లో అందించిన సమాచారం సాధారణ సమాచారం,విద్యా ప్రయోజనాల కోసం మాత్రమే. ఇది వృత్తిపరమైన వైద్య సలహా, రోగ నిర్ధారణ లేదా ట్రీట్మెంట్ కు ప్రత్యామ్నాయంగా ఉద్దేశించబడలేదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే మీ డాక్టర్ లేదా సంబంధిత నిపుణుల సలహా తీసుకోండి.