మహిళలూ.. ప్రాణాంతకమైన ఈ క్యాన్సర్లతో బీ అలర్ట్

గర్భాశయ క్యాన్సర్

ఇండియాలో మాత్రమే మూడో వంతు మహిళలు గర్భాశయ క్యాన్సర్ తో చనిపోతున్నారు. చిన్న వయసులోనే లైంగిక చర్యల్లో పాల్గొనడం, ఎక్కువ మందితో శారీరక సంబంధం ఏర్పరుచుకోవడం, తక్కువ రోగనిరోధక శక్తి కలిగి ఉండటమే గర్భాశయ క్యాన్సర్ కు కారణమవుతున్నాయి. హెచ్ ఐవీ ఇన్ఫెక్షన్ కూడా మహిళల్లో సర్వైకల్ క్యాన్సర్ కి కారణమవుతోంది.

బ్రెస్ట్ క్యాన్సర్

లేటు వయసులో గర్భధారణ, వారసత్వం, జెనెటిక్ టెండెన్సీస్ తోపాటు మరికొన్ని కారణాల వల్ల మహిళలు బ్రెస్ట్ క్యాన్సర్ బారిన పడుతున్నారు. మొదటి దశలోనే దీన్ని గుర్తించడం ద్వారా ఈ క్యాన్సర్ నుంచి బయటపడవచ్చు.

పెద్ద పేగు క్యాన్సర్

ప్రపంచవ్యాప్తంగా పెద్ద పేగు క్యాన్సర్ బారిన పడుతున్న మహిళల సంఖ్య చాలా ఎక్కువగా ఉంది. పెద్ద పేగు చివరి భాగంలో పాలిప్స్ ఉన్న వాళ్లకు ఈ క్యాన్సర్ కి అవకాశముంది. ఎక్కువ బరువు ఉండి, ఫ్యాట్ ఫుడ్ ఎక్కువగా తీసుకునే మహిళలకు ఈ క్యాన్సర్ వచ్చే అవకాశాలున్నాయి.

అండాశయ క్యాన్సర్

ఈ అండాశయ క్యాన్సర్ 55 ఏళ్లు దాటిన మహిళల్లో ఎక్కువగా కనిపిస్తుంది. ఎవరైతే 30 ఏళ్ల తర్వాత పిల్లలకు జన్మనిచ్చి ఉంటారో వాళ్లకే ఈ క్యాన్సర్ వచ్చే ఛాన్సెస్ ఉన్నాయి.

స్కిన్ క్యాన్సర్

తెల్లగా ఉన్న మహిళలు, చర్మంపై ఎరుపు రంగు హెయిర్, ఎండలో ఎక్కువగా గడిపే మహిళల్లో స్కిన్ క్యాన్సర్ వచ్చే అవకాశాలు ఎక్కువని తాజా అధ్యయనాలు చెబుతున్నాయి. కుటుంబంలో ఎవరికైనా జుట్టు లేని సమస్య ఉంటే ఈ క్యాన్సర్ కి అవకాశముంది.

ఊపిరితిత్తుల క్యాన్సర్

పొగత్రాగకపోయినా లంగ్ క్యాన్సర్ వచ్చే అవకాశాలున్నాయి. ధూమపానం చేయకపోయినా ఆ పొగ ఎక్కువగా పీల్చడం వల్ల కూడా మహిళలకు ఈ క్యాన్సర్ వస్తుంది. తమ భాగస్వామి స్మోకింగ్ చేయడం వల్ల 10 మందిలో 8 మంది మహిళలు లంగ్ క్యాన్సర్ బారిన పడుతున్నారు.

గర్భాశయ గోడలు క్యాన్సర్

గర్భాశయ గోడలనే ఎండోమెట్రియల్ అంటారు. గర్భసంచిలో ఈ క్యాన్సర్ ఏర్పడుతుంది. ఇది 55 పైబడిన మహిళల్లో కనిపిస్తుంది. దీనికి ప్రధాన కారణం చిన్న వయసులోనే రుతుక్రమం మొదలవడం, కుటుంబంలో ఎవరికైనా ఇన్ఫెర్టిలిటీ, లేట్ మెనోపాజ్ వంటివాటి వల్ల ఎండోమెట్రియల్ క్యాన్సర్ బారిన పడుతున్నారు.