రోజంతా తాజాదనం కోసం ఏం చేయాలంటే.!?

Wellness

oi-Nageswara

By B N Sharma

Published: Monday, September 19, 2011, 9:40 [IST]

నేటి రోజులలో మహిళలు అందానికి అధిక ప్రాధాన్యత ఇస్తున్నారు. ఇక ఉద్యోగస్తులైన మహిళలైతే, అందానికి సంబంధించి ఎంతో సమయాన్ని, సొమ్మును కూడా వెచ్చిస్తున్నారు. అందంగా కనపడాలంటే ప్రధానంగా చర్మ సంరక్షణ ఎంతో అవసరం. రోజంతా తాజాదనంతో మెరిసిపోయేందుకు ఎన్నో చిట్కాలు పాటిస్తుంటారు. అలాంటి వారు మీరైతే ఈ కథనం చదవాల్సిందే. బకెట్ నీటిలో ఒక కప్పు పాలపొడి వేసి స్నానం చేయండి. లేదా స్నానము చేసే ముందు చర్మానికి పచ్చిపాలు రాసుకుని చూడండి . చర్మం పట్టులా ఎంతో మృదువుగా తయారవుతుంది.

అలాగే కాస్తంత కలబంద గుజ్జును బకెట్ నీటిలో వేసి స్నానం చేస్తే.. ఎండ కారణంగా కమిలిన చర్మానికి మంచి మాయిశ్చరైజర్‌గా ఉపయోగపడటమే గాక, అందులోని సుగుణాలు చర్మానికి తేమనందిస్తాయి. అదేవిధంగా రోజులోని అలసట దూరం కావాలంటే సాయంత్రమయ్యే సరికి గుప్పెడు తులసి ఆకుల్ని నీళ్లలో వేసుకుని స్నానం చేస్తే సరిపోతుంది. రోజంతా ఆనందంగా వుంటుంది.

శరీరాన్ని శుభ్రపరచడంతో పాటు మృదువుగా, ప్రకాశవంతంగా మార్చడంలో కామొమైల్ ఉపయోగపడుతుంది. అందుకే వారానికొకసారి పదిచుక్కల కామొమైల్ నూనెను నీటిలో వేసుకుని స్నానం చేస్తే పొడిగల చర్మంగల వారికి స్వాంతన ఇస్తుంది. దీనివల్ల అలసత్వం కూడా దూరమౌతుందని బ్యూటీషియన్లు సూచిస్తున్నారు.

Disclaimer: ఈ ఆర్టికల్ లో అందించిన సమాచారం సాధారణ సమాచారం,విద్యా ప్రయోజనాల కోసం మాత్రమే. ఇది వృత్తిపరమైన వైద్య సలహా, రోగ నిర్ధారణ లేదా ట్రీట్మెంట్ కు ప్రత్యామ్నాయంగా ఉద్దేశించబడలేదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే మీ డాక్టర్ లేదా సంబంధిత నిపుణుల సలహా తీసుకోండి.