మంచి కంటి చూపు కోసం 20 పవర్ ఫుల్ చిట్కాలు

చేపలు తీసుకోవాలి

మీ ఆహారంలో కనీసం వారంలో రెండు సార్లు చేపలు ఉండేలా చూసుకోండి. చేపలలో ఒమేగా 3 కొవ్వు ఆమ్లాలు ఉండుట వల్ల డ్రై-ఐ సిండ్రోం నివారించేందుకు ఉపయోగపడుతుంది.

రెగ్యులర్ చెకప్

మీరు మంచి దృష్టి మరియు రీడింగ్ లో ఎలాంటి సమస్య అయినా కనీసం సంవత్సరంనకు ఒకసారి చెకప్ కు వెళ్ళండి. వివిధ కంటి సంబంధిత రోగాలను గుర్తించడం మరియు సరైన చికిత్స కు చాలా మంచి మార్గంగా ఉంటుంది.

కళ్ళు రెప్పలు మూసి తెరవండి

నిరంతరం మీ కళ్ళు రెప్పలు మూసి తెరవటం వల్ల మీ కళ్ళను తాజాగా ఉంచటానికి మరియు కంటి అలసట నివారించేందుకు చాలా సులభమైన మార్గంగా ఉంటుంది. సాదారణంగా కంప్యూటర్ యూజర్లు కళ్ళు రెప్పలు మూసి తెరవటం చాల తక్కువగా చేస్తూ ఉంటారు. కాబట్టి వారు తమ కళ్ళును ప్రతి మూడు నాలుగు సెకన్లు ఒకసారి మూసి తెరుస్తూ వ్యాయామం చేయాలి.

విశ్రాంతి వ్యాయామం చేయండి

మీ రెండు అర చేతులలో వేడిని సృష్టించడానికి వాటిని రుద్ది వాటిని మీ కళ్ళు మీద పెట్టుకొవాలి. ఈ విశ్రాంతి వ్యాయామం కంటి అలసట నివారించేందుకు ఒక గొప్ప విధానం. మీ కళ్ళు విశ్రాంతిగా ఉండటానికి మరొక గొప్ప మార్గం ఏమిటంటే మీరు ఇష్టపడే ఒక ప్రదేశం,బట్టలు లేదా ఒక అద్భుత ప్రపంచము వంటి ఏదో ఒక దానిని ఊహించుకోండి.

దూరం పైన కేంద్రీకరణం

మేము దగ్గరగా ఉన్నవస్తువుల వద్ద ఎక్కువ సమయం గడిపిన తరువాత దూరపు వస్తువులను చూడటం ఒక అలవాటుగా పాటించాలి. వాకింగ్ లేదా కూర్చొని ఉండగా మీ చుట్టూ దూరంగా ఉన్న వస్తువులను చూడటానికి ప్రయత్నించండి.

కొంత సూర్యరశ్మి పొందుటకు వెళ్ళండి

సూర్యరశ్మి అనేది మీ కళ్ళుకు ఉత్తమ ఉచిత చికిత్సగా చెప్పవచ్చు. ఉదయం లేదా సాయంత్రం చివరలో సూర్యరశ్మిలో ఉండుట వల్ల బిగుతైన నాడి కండరాలు పట్టుకోల్పోవడం ద్వారా కళ్ళు మరియు కంటిపాపలు మెరుగుపరచటానికి సహాయపడుతుంది.

ఒక గ్లాస్ నీటితో మసకగా ఉన్న దృష్టికి చికిత్స

నీరు మీ అన్ని సమస్యలకు ఉత్తమమైన నివారణ మార్గంగా చెప్పవచ్చు. తరచుగా మసకగా ఉన్న దృష్టి నిర్జలీకరణ వలన కావచ్చు. అందువల్ల క్రమమైన విరామాల్లో నీటిని త్రాగుతూ ఉండాలి.

డ్రై గాలిని నివారించండి

మీ కారు లేదా మీ కార్యాలయం నుండి ఎయిర్ కండిషన్డ్ గాలి మీ కళ్ళలో తేమ లేకుండా చేస్తుంది. ఎల్లప్పుడూ మీ A/C ప్యానెల్ ను క్రిందికి లేదా మీ ముఖం నుండి దూరంగా ఉండేలా చూసుకోవాలి. ఎయిర్ కండీషనర్ గాలి తీవ్రమైన పొడి,అంధత్వం లేదా ఇతర కంటి రుగ్మతలకు కారణం కావచ్చు.

రక్షణకు కళ్ళద్దాలు ధరించాలి

కంటి గాయాలు వలన మీ దృష్టి బలహీనపడవచ్చు. అందువల్ల రసాయనాలతో పని చేసేవారు,క్రాకర్లు పగిలిపోవటం వల్ల,ఈత సమయంలోను,ఆటలు ఆడుకొనేటప్పుడు తప్పనిసరిగా రక్షణకు కళ్ళద్దాలు ధరించాలి.

తక్కువ కాంతి స్థాయి

మీరు సుదీర్ఘ కాలము పాటు కంప్యూటర్ ఉపయోగిస్తే కాంతి స్థాయిని నిర్ధారించుకోండి. మీ కళ్ళుకు విశ్రాంతి ఉండేలా చూడండి. దాన్ని తగ్గించలేదు. కానీ దానిని నియంత్రణలో ఉంచడానికి సహాయపడుతుంది.

గుడ్లు తినండి

గుడ్లు తినడం వల్ల గుడ్డులో ఉండే లుటీన్ మరియు శెక్షన్థిన్ లు చురుకైన చూపు,వయస్సు సంబంధిత కంటి వ్యాధులను తగ్గిస్తున్నది.

తరచుగా మీ కళ్ళు కడగాలి

మీ కళ్ళు ఒత్తిడిగా ఉన్నాయని భావిస్తే వాష్ రూంకి వెళ్లి పూర్తిగా మీ కళ్ళును కడగాలి. దీనిని రోజువారీ పనిగా అలవాటు చేసుకోండి. నీటితో మీ కళ్ళు కడగటం వల్ల అధిక ఒత్తిడి నుండి మీ కళ్ళు ఉపశమనం పొందటానికి మరియు వాటిని తాజాగా ఉంచటానికి సహాయం చేస్తుంది.

ధూమపానం మానాలి

అధికముగా ధూమపానము వలన శుక్లాలు, దృష్టి నాడి దెబ్బతినడం మరియు కండర వినాశనం వంటి కన్ను సమస్యలు ఎక్కువగా ఉంటాయి. ఈ కంటి సమస్యలు తొలగి మంచి కంటి ఆరోగ్యానికి ధూమపానాన్ని వదలిపెట్టాలి.

చలువ కళ్ళద్దాలను ధరించాలి

మీరు బయట ఉన్నప్పుడు సన్ గ్లాసెస్ ధరించటం వలన సూర్యుని నుండి మీ కళ్ళను రక్షించేందుకు సహాయం చేస్తుంది. సూర్యుని UV కిరణాలు వల్ల కంటిశుక్లం మరియు ఇతర కంటి సంబంధిత సమస్యలు వస్తాయి. అందువల్ల 100% UV రక్షణ గల చలువ కళ్ళద్దాలను ఎంచుకోవాలి.

ఐ మేకప్ తొలగించాలి

మంచం మీద పడుకొనే ముందు మీ కంటి మేకప్ ను తొలగించుకోవాలి. రాత్రి మీరు కంటి మేకప్ తీయకపోతే ఇరిటేషన్ రావచ్చు. అంతేకాక ఆ మేకప్ కన్ను లోకి వెళ్ళే అవకాశం ఉంటుంది.

పాలకూర ఎక్కువగా తీసుకోండి

మీ ఆహారంలో పాలకూర ఎక్కువగా ఉండేలా చూసుకోండి. పాలకూర కంటిశుక్లం మరియు మసకగా ఉన్న చూపు వంటి అనేక కంటి సంబంధిత సమస్యలను నిరోధించడానికి సహాయపడుతుంది. పాలకూరలో లుటీన్ మరియు ఇతర పోషకాలు ఉంటాయి.

విరామాలు తీసుకోండి

మీరు ఎక్కువ సమయం పుస్తకం చదువుతూ ఉంటె రెగ్యులర్ విరామాలు తీసుకోవాలి. పైకి చూడండి లేదా కొంత సేపు నడవండి. మీ కంటి అలసట నిరోధించడానికి సహాయం చేస్తుంది.

తల మసాజ్

వారంలో ఒకసారి జాస్మిన్ నూనె లేదా కొబ్బరి నూనె తలపై వేసి మసాజ్ చేసుకోండి. మీ కంటి చూపు బాగా ఉండేలా చేస్తుంది. అంతేకాక ఫ్రంట్ మెదడులో బీటా తరంగాలను పెంచడానికి సహాయం చేస్తుంది.

బాగా నిద్ర

నిద్రలేమి వలన మీరు అలసట,తలనొప్పి మరియు మీ చూపు మసకగా ఉండేలా చేస్తుంది. అందువల్ల నిద్ర బాగా ఉంటె మంచి చూపుకు మరియు కంటి కండరాల విశ్రాంతికి సహాయం చేస్తుంది.

కంటి ఆహారం తినండి

మీ కళ్ళు వృద్ది చెందటానికి క్యారట్లు,ఆప్రికాట్లు మరియు బ్లూ బెర్రీలు మంచి ఆహారంగా ఉన్నాయి. ఈ ఆహారంలో బీటా-కెరోటిన్ సమృద్ధిగా ఉండుటవల్ల మీ కళ్ళను బాగుంటాయి.