ప్రాణాంతక క్యాన్సర్ ని దూరం చేసే ఫుడ్ హ్యాబిట్స్

గ్రీన్‌ టీ

గ్రీన్ టీ ఈసీసీజీని కలిగి ఉంటుంది. దీనిలోని పోలిఫినాల్‌ అనేది క్యాన్సర్‌ సెల్‌ పెరుగుదలను క్రమంలో ఉంచుతుంది. డీఎన్‌ఏ, ఆర్‌ఎన్‌ఏ లెవల్స్‌ పై ప్రభావం చూపుతుంది.

ఆకుకూరలు

ఆకుకారల్లోని పోషక విలువలు డీఎన్‌ఏ డ్యామేజ్‌ కాకుండా చేస్తుంది. అలాగే ట్యూమర్లను సక్రమమైన పద్ధతిలో ఉంచుతాయి. నాన్‌ ఎంజీవో సోయా బీన్‌ క్యాన్సర్‌ కారకాలను నిర్మూలిస్తాయి. అంతేకాదు ఈస్ట్రోజన్‌ ఎక్కువగా ఉత్పత్తి కాకుండా కంట్రోల్ లో ఉంచుతుంది.

టమోటా

టమోటాలలో లైకోపీన్ అనే శక్తివంతమైన యాంటీ ఆక్సిడెంట్స్ ఉంటాయి. ఇవి వివిధ రకాల క్యాన్సర్ లను కలుగచేసే కారకాలకు వ్యతిరేఖంగా పని చేస్తాయి. కాబట్టి వీటిని వంటకాల్లో వాడటం వల్ల క్యాన్సర్ కి దూరంగా ఉండవచ్చు.

వెల్లుల్లి

దంచిన లేదా కత్తిరించిన వెల్లుల్లి, వంటలలో వాడటానికి ముందు 10 నుండి 15 నిమిషాల పాటు అలాగే ఉంచాలి. ఇలా చేయటం వల్ల అల్లిసిన్ అనే ఫైటోకెమికల్ తయారవుతుంది. ఇది అనేక రకాల వ్యాధులను కలిగించే కారకాలకు వ్యతిరేఖంగా పని చేస్తుంది.

బంగాళదుంప

బంగాళదుంపను కొన్ని పద్దతిలో వండినపుడు ఆక్రిలమెయిడ్ అనే ఎంజైంను తయారుచేస్తుంది. ఈ రసాయనం వివిధ రకాల క్యాన్సర్ లను కలుగచేస్తుంది. బంగాళదుంపను ఫ్రిజ్ లో ఉంచకూడదు. అలాగే బంగాళదుంపను వంటలో వాడటానికి ముందు 15 నుంచి 30 నిమిషాలపాటు నీటిలో నానబెట్టడం వల్ల ఆక్రిలమెయిడ్ రసాయనం విడుదల కాకుండా ఉంటుంది.

బ్రెడ్

బ్రెడ్ కూడా బంగాళదుంపలా ఎక్కువ వేడి చేయటం వలన అక్రిలమెయిడ్ అనే రసాయనాన్ని విడుదల చేస్తుంది. బ్రెడ్ లేత గోధుమ రంగులోకి మారిన తరువాత వంటకాలలో వాడకూడదు.

మాంసం

ఎక్కువ ఉష్ణోగ్రతలలో వండటం వలన డీఎన్ఏలను ప్రమాదానికి గురి చేసే సమ్మేళనాలను మాంసం విడుదల చేస్తుంది. దీని వల్ల క్యాన్సర్ వచ్చే అవకాశాలు అధికమవుతాయి. బొగ్గులపైన వండిన మాంసం లేదా ఉడకబెట్టిన మాంసం తినడం మంచిది.

హెర్బల్స్

హెర్బల్స్ ఔషధ గుణాలను కలిగి ఉంటాయి. కాబట్టే వీటిని వ్యాధులను తగ్గించటానికి వాడతారు. రోజ్మేరీ వంటివి క్యాన్సర్ కారకాలకు వ్యతిరేఖంగా పని చేస్తాయి. రోజ్మేరీ కార్న్ జోల్ అనే పదార్థాన్ని కలిగి ఉండి, క్యాన్సర్ ను పెంచే కారకాలకు వ్యతిరేఖంగా పనిచేస్తుంది.

పండ్లు, కూరగాయలు

పండ్లు, కూరగాయలపై ఉండే తొక్కను తీసేసి తినడం ప్రస్తుతం అందరికీ ఉన్న అలవాటు. కానీ ఈ తొక్కలు క్యాన్సర్ కారకాలను నశింపచేసే ఫైటోకెమికల్స్ లను కలిగి ఉంటాయి. అలాగే కూరగాయలను ఎక్కువ సమయం వండికూడదు. ఎందుకంటే అవి నీటిలో కరిగే విటమిన్ లను కోల్పోతాయి.

విటమిన్ సి

నిమ్మ, కమలా వంటి విటమిన్ సి ఉండే.. పండ్లు తీసుకోవడం మంచిది. ఇవి క్యాన్సర్ రాకుండా నివారిస్తాయి. అలాగే విటమిన్‌‌ డి, విటమిన్‌ ఈ ఉండే ఆహార పదార్థాలు కూడా క్యాన్సర్‌ రాకుండా నివారిస్తాయి.