ఎక్కువగా వ్యాయామం చేస్తే ఎముకలు బలహీనమవుతాయా ?

ఎముకలు పెళుసవడం

ఎక్కువగా వ్యాయామం చేయడం వల్ల మీ ఎముకలు పెళుసవడానికి కారణమవుతాయి. అలాగే ఎముకలు చాలా వీక్ అవుతాయి. అలాగే ఎక్కువగా వ్యాయామం చేయడం వల్ల కార్టిలేజ్ ని కూడా నిస్సత్తువకు గురిచేస్తాయి.

వ్యాయామంలో పొరపాట్లు

మీకు ఒకవేళ ఏవైనా ఎముకల అనారోగ్య సమస్యలు ఉంటే.. ఆస్టియోఫోరోసిస్ వంటి సమస్యలు వచ్చే అవకాశం ఉంది. నిపుణుల వద్ద శిక్షణ తీసుకుని వ్యాయామం చేయడం మంచిది. వ్యాయామంలో తప్పులు చేయడం వల్ల ఎముకల ఆరోగ్యానికి తీవ్రంగా హానికలుగుతుంది.

ఎముకలు కోల్పోయే అవకాశం

వ్యాయామం చేయడం వల్ల ఎముకలు శక్తికోల్పాతాయా అని మహిళలు తరచుగా ప్రశ్నిస్తూ ఉంటారు. అథ్లెట్స్, లేదా మహిళలు రన్నింగ్, లాంగ్ డిస్టెన్స్ వంటి శారీరక వ్యాయామాలు చేసేటప్పుడు డూట్ బ్యాలెన్స్డ్ గా ఫాలో అవకపోతే.. సమస్యలు ఎదురవుతాయి. కాబట్టి క్యాల్షియం, పోషకాలు ఉండేలా ఆహారం తీసుకుంటే ఎలాంటి సమస్యలు ఉండవు.

ఎముకలకు గాయాలు

మోతాదుకి మించి ఎక్కువగా వ్యాయామం చేయడం వల్ల ఎముకలకు గాయాలయ్యే అవకాశం ఉంది. నిపుణుల సలహా ప్రకారం, లేదా నిపుణుల పర్యవేక్షణలో వ్యాయామం చేయడం చాలా అవసరం.

స్విమ్మింగ్

స్విమ్మింగ్, సైక్లింగ్ వంటి వ్యాయామాల కారణంగా ఎముకల ఆరోగ్యం మెరుగవదు. కాబట్టి నడక, రన్నింగ్, వెయిట్ లిఫ్టింగ్ వంటి వ్యాయామాలతో ఎముకల ఆరోగ్యం మెరుగుపరుచుకోవచ్చు.

ఎముకలకు

ఎముకలు, కీళ్లు స్ట్రాంగ్ గా మారడానికి వ్యాయామం చాలా అవసరం. అయితే సరైన వ్యాయామం ఎంపిక చేసుకున్నప్పుడే మీ ఆరోగ్యానికి మంచిది. వ్యాయామం చేసేటప్పుడు ఖచ్చితంగా సరైన షూస్, డ్రెస్ ఎంచుకోవడం వల్ల ఎలాంటి సమస్య ఉండదు.

డైట్

కేవలం వ్యాయామం చేస్తే సరిపోదు. వ్యాయామంతోపాటు సరైన ఆహార ప్రణాళిక ఎంచుకోవాలి. క్యాల్షియం, విటమిన్ డి, పోషకాలు వంటివి డైట్ లో ఉండేలా జాగ్రత్త పడటం వల్ల ఎముకల ఆరోగ్యం మెరుగుపడుతుంది. ఇవన్నీ డైట్ లో మిస్సయితే.. రోగనిరోధక వ్యవస్థపైనా దుష్ర్పభావం చూపుతుంది.