కండోమ్‌ల‌కు కూడా ఎక్స్‌పైరీ ఉంటుందా? వాటిని ఎలా క‌నిపెట్టొచ్చు?

కండోమ్ ఎంత కాలానికి ఎక్స్‌పైర్ అవుతుంది?

కండోమ్‌ల‌కు సాధార‌ణంగా అయిదేళ్ల త‌ర్వాతే ఎక్స్‌పైర్ అవుతాయి. అయితే కండోమ్‌కు వాడే మెటీరియ‌ల్‌, ల్యూబ్రికేష‌న్‌ను బ‌ట్టి ఎక్స్‌పైరీ 3 నుంచి 5ఏళ్ల మ‌ధ్య‌లో ఉండొచ్చు. ఎక్స్‌పైరీ తేదీని స‌రిగ్గా తెలుసుకోవాలంటే ప్యాక్ వెన‌కాల చూడ‌ట‌మే. ప్ర‌తి కండోమ్ త‌యారీదారు ప్యాక్ వెన‌కాల ఎక్స్‌పైరీ తేదీని ప్రింట్ చేయిస్తారు. 2017-10 అని ముద్ర‌ణ తేదీ ఉన్న‌ట్ట‌యితే ఆ కండోమ్ 2017 అక్టోబ‌ర్లో త‌యారైంద‌ని దాని ఎక్స్‌పైరీ దాదాపు అక్టోబ‌ర్ 2022లో ఉంటుంద‌ని అర్థం చేసుకోవ‌చ్చు.

కండోమ్‌ల‌కు అనుకూల‌మైన ప‌రిస్థితులివే...

ఎక్స్‌పైరీ తేదీ కాకుండా కండోమ్‌ను భ‌ద్ర‌ప‌రిచే విధానాల‌ను బ‌ట్టి కూడా కండోమ్ స్టెబిలిటీ ఆధార‌ప‌డి ఉంటుంది. చ‌ల్ల‌ని, పొడి వాతావ‌ర‌ణంలో కండోమ్‌లు ఎక్కువ కాలం మ‌న్నుతాయి. ఒక్కోసారి 6ఏళ్లు మ‌న్నినా ఆశ్చ‌ర్య‌పోన‌క్క‌ర్లేదు. దీనికి వ్య‌తిరేకంగా ఎండ‌లో, తీవ్ర‌మైన వేడిలో, త‌డి వాతావ‌ర‌ణంలో పెడితే 1 లేదా 2 సంవ‌త్స‌రాల‌కు మించి కండోమ్‌ల‌ను వాడ‌లేం. ఇంకా తొంద‌ర‌గానే వీటి పని ముగిసిపోతుంది. కండోమ్‌లు భ‌ద్ర‌ప‌ర్చుకునే అనుకూల‌మైన ప‌రిస్థితులు ఏవంటే... చ‌ల్ల‌ని, పొడి వాతావ‌ర‌ణం, తేమ‌, సూర్య‌ర‌శ్మి కి దూరంగా ఉంచ‌డం, ఉష్ణోగ్ర‌త 100˚F / 38˚C. కంటే త‌క్కువ‌గా ఉండేలా చూసుకోవ‌డం.

ఎక్స్‌పైరీ తేదీ ముగిస్తే ఏమ‌వుతుంది?

కండోమ్ ఎక్స్‌పైర్ అయిపోతే లైంగిక చ‌ర్య‌లో పాల్గొనేట‌ప్పుడు చిరిగి పోయేదానికి ఎక్కువ ఆస్కారం ఉంటుంది. ఎక్స్‌పైరీ తేదీ అయిన వెంట‌నే కండోమ్ పై నుండే లేటెక్స్ మెల్ల‌గా పొడిగా మారుతుంది. దీంతో అది నాజూగ్గా అయిపోతుంది. ఇది కాకుండా కండోమ్‌ల స‌హ‌జంగా ఉండే కొన్ని ప‌దార్థాలు శుక్ర‌క‌ణాల‌ను చంపేస్తాయి. అది కాకుండా వీర్యం వేరే శ‌రీరంలోనికి ప్ర‌వేశించ‌కుండా కండోమ్ అడ్డుకుంటుంది. ఇక ఎక్స్‌పైరీ అయిన కండోమ్‌లు ఇవి చేయ‌డంలో విఫ‌ల‌మ‌వుతాయి. దీంతో స‌లుభంగా ఇత‌రుల‌కు సుఖ‌వ్యాధులు అంటే ప్ర‌మాద‌ముంది(ఒక వేళ వ్య‌క్తికి ఉన్న‌ట్ల‌యితే)..

కండోమ్ ఎక్స్‌పైర్ అయిందా లేదా అనే విష‌యాన్ని తెలుసుకునేందుకు ఏం చూడాలో తెలుసుకుందాం...

ప‌టుత్వాన్ని కోల్పోతాయి

ఎక్స్‌ఫైర్ అయిన కండోమ్‌లు త‌మ ప‌టుత్వాన్ని, ఫ్లెక్సిబిలిటీని కోల్పోయిన‌ట్టు గ‌మ‌నించారు. ముఖ్యంగా అవి పటుత్వానికి, గ‌ట్టిద‌నానికి త‌యారుచేసిన‌వి. అలా అయితే తొంద‌ర‌గా విరిగిపోయే ప్ర‌మాద‌ముంది.

ల్యూబ్రికేష‌న్ పోతుంది

కండోమ్‌ల‌ను ల్యూబ్రికేట్ చేసి పెడ‌తారు. అయితే వాటి ఎక్స్‌పైరీ తేదీ ముగియ‌డంతో ల్యూబ్రికేష‌న్ ప‌దార్థం పోతుంది. దీని ప్ర‌భావంతో కండోమ్‌లపై భాగం పొడిగా, బీట‌లు వారిన‌ట్టుగా క‌నిపిస్తుంది.

త‌డిగా, జిగ‌ట‌గా కూడా మార‌తాయి..

కొన్ని సంద‌ర్భాల్లో వ్య‌తిరేకంగాను జ‌ర‌గొచ్చు. కండోమ్‌లు త‌డిత‌డిగా త‌యార‌వ‌చ్చు లేదా జిగ‌ట‌గా మార‌వ‌చ్చు. వాటిని ఇక వాడ‌లేం. కండోమ్‌ల ఎక్స్‌పైరీ తేదీ అయిపోగానే వాటి క‌న్‌సిస్టెన్సీ, టెక్స్‌చ‌ర్‌ల‌ను కోల్పోతుంది. జిగ‌ట‌గా లేదా పొడిగా త‌యార‌వుతాయి.

ప్యాకేజింగ్‌లో లోపాలు..

ఒక్కోసారి కండోమ్‌లు వాటి ఎక్స్‌పైరీ తేదీ కంటే ముందే ప‌నికి రాకుండా పోతాయి. ఇదెలా అంటే ప్యాకేజింగ్‌లో లోపాల వ‌ల్ల కావొచ్చు లేదా కండోమ్‌లో చిన్న బొక్క ఏర్ప‌డ‌డం వ‌ల్ల కావొచ్చు. అలాంటి సందేహం వ‌స్తే కండోమ్ కొనేముందు వాటి పైన క‌వ‌ర్ త‌డిమి చూడాలి. గాలి బ‌య‌ట‌కు లోప‌లికి వ‌స్తున్న‌ట్ట‌యితే కండోమ్ బాగున్న‌ట్టు లెక్క‌. అలా కాకుండా ప్యాకేజీ ముదిరిపోయిన‌ట్టు ఉంటే లోప‌ల బాగాలేన‌ట్టు.

ఒక్కోసారి దుర్వాస‌న వ‌స్తుంది

ఒక్కోసారి ఎక్స్‌పైరీ తేదీ ముగిసిన కండోమ్‌ల నుంచి దుర్వాస‌న వ‌స్తుంటుంది. అలాంటి పాడైన కండోమ్‌ల‌ను వాడితే ఎల‌ర్జీలు వ‌చ్చే ప్ర‌మాద‌ముంది.

ఇక నుంచి కండోమ్‌లు కొనేముందు మొహ‌మాట ప‌డ‌కుండా ఇవన్నీ ప‌రిశీలించి బాగా ప‌నిచేసే వాటినే తీసుకుంటారు క‌దూ!

ఇక మీ అనుబంధం గురించి మీ భాగ‌స్వామికి త‌ప్ప ఇత‌రుల‌కు మెప్పించాల్సిన అవ‌స‌రం అంత‌గా లేద‌న్న విష‌యాన్ని ఎప్పుడు గుర్తుపెట్టుకోండి. అదే జీవితానికి ముఖ్యం.