ఆడకుక్కకు వేడెక్కితే....!

Pet Care

oi-Nageswara

By B N Sharma

Published: Wednesday, November 9, 2011, 15:58 [IST]

ఆడకుక్కకు వచ్చే రుతుక్రమాన్ని హీట్ లేదా ఎస్ట్రౌస్ సర్కిల్ అంటారు. వీటికి అండాశయం తొలగించకపోతే త్వరగా గర్భం రావటం పిల్లలు పెట్టటం జరుగుతుంది. అంతే కాక బ్రెస్ట్ కేన్సర్ కూడా వచ్చే అవకాశం వుంది. ఆరోగ్యంగా వుంచాలంటే అండాశయం తొలగించటం మంచిది. ఆడకుక్క సీజన్ లో వేడెక్కితే, దాని జననాంగం నుండి రక్తం స్రవించి వాచిపోతుంది. ప్రతి 6 నెలలకు ఆడకుక్క హీటెక్కుతుంది. పిల్లలు పెట్టటానికి అనుకూలమవుతుంది. అపుడు ఏం చేయాలంటే...

1. దాని నెలసరి మొదటి రోజు నోట్ చేయండి. 6 నెలల తర్వాత అదే రోజుకు వైద్య ఏర్పాటు చేయండి.
2. పిల్లలు పుట్టించాలంటే, ఇదే మంచి సమయం.అవసరం లేదనుకుంటే స్టెరిలైజ్ చేసి దాని జీవితకాలం పొడిగించండి.
3. హీట్ తో రక్తస్రావం అధికంగా వుంటే, ఆడకుక్కలకు డైపర్లు, పేంట్లు వంటివి అమ్ముతారు. వాటిని కొనండి. ఇల్లు శుభ్రంగా వుంటుంది. దానికి ఆరోగ్యం.
4. హీట్ రోజులలో ఒంటరిగా వదలక దానిని కనిపెట్టి వుండండి.
5. రాత్రి వేళ ఒక ట్రేలో పడుకోపెడితే, శుభ్రం చేయటం తేలికవుతుంది.
6. ఈ సమయంలో కుక్కలు అధిక మూత్రం చేస్తాయి. కనుక తగిన ప్రదేశంలో వుంచండి.
7. ఆడకుక్కను బయటకు తీసుకు వెళ్ళేటపుడు జాగ్రత్త తీసుకోండి. వాసన పసికట్టి మగ కుక్కలు రతికి సిద్ధం అవుతాయి.
8. హీట్ లో వున్నపుడు దానిపై కోపగించకండి. ఇంటిలో మూత్రం వదిలినా అర్ధం చేసుకోండి.

అవసరాన్ని బట్టి డైపర్లు మారుస్తూ, బలమైన ఆహారం ఇవ్వండి.