భక్తులను అలరించే సీతారాముల కళ్యాణ మహోత్సవం!

శ్రీరామచంద్రుడిని తెలుగువారు ప్రతి ఇంటా ఇంటి ఇలవేలుపుగా కొలుస్తారు. నేటికి భ్రధ్రాచలంలో శ్రీరాముడి పర్ణశాల భక్తులకు దర్శనమిస్తూవుంటుంది. భధ్రాచలంలో అంగరంగ వైభవంగా కన్నుల పండుగగా జరిగే సీతారాముల కళ్యాణ మహోత్సవానికి లక్షలాది భక్తులు తరలి వస్తారు. కళ్యాణంలో పాల్గొని దానిని తిలకించి శ్రీరాముని దర్శించి ఆ దేవ దేవుడి ఆశీస్సులు పొందుతారు.

సీతారాముల కళ్యాణం కొరకుగాను ప్రభుత్వం భధ్రాచలంలో నేడు భక్తుల సౌకర్యార్ధం ప్రత్యేక ఏర్పాట్లు చేస్తుంది. శ్రీరామ కళ్యాణంలో తమవంతు సేవగా తలంబ్రాలు ప్రభుత్వం తరపున అర్పిస్తారు. సరిగ్గా మధ్యాహ్నం 12 గంటల వేళ తలంబ్రాలు కార్యక్రమం జరుపుతారు. దూరదర్శన్, వివిధ ప్రధాన ఛానెళ్ళు కన్నులపండువగా జరిగే ఈ వేడుకలను రాష్ట్రమంతటా ప్రచారం చేస్తాయి. ఆకాశ వాణి సీతారాముల కళ్యాణంపై తమ వ్యాఖ్యలను వినిపిస్తుంది.