Maha Shivratri 2023: మహా శివుడికి ఇష్టమైన రాశులు, వారిపై ఎప్పుడూ ఆది దేవుడి ఆశీర్వాదాలుంటాయి

మేష రాశి:

జ్యోతిష్య శాస్త్రం ప్రకారం మేష రాశికి అధిపతి మంగళ దేవుడు. అంగారకుడిని శివునిలో భాగంగా భావిస్తారు. ఈ రాశి చక్రం యొక్క స్థానికులు పరమేశ్వరుడి అనుగ్రహంతో వారి జీవితంలో శివుని ప్రత్యేక ఆశీర్వాదాలను పొందుతారని నమ్ముతారు. మేష రాశి వారు సోమవారం నాడు శివుడిని విధిగా పూజించి, శివలింగానికి అభిషేకం చేస్తే జీవితంలోని కష్టాలు తొలగిపోతాయని నమ్మకం.

వృశ్చిక రాశి:

జ్యోతిష్య శాస్త్రం ప్రకారం వృశ్చిక రాశికి అంగారకుడు అధిపతి. దీనితో పాటు ఈ రాశి వారికి శివుని విశేష ఆశీస్సులు ఉంటాయి. ఈ రాశి వారు ప్రతి సోమవారం శివలింగానికి నీటితో అభిషేకం చేసినట్లయితే పరమేశ్వరుడి కృపతో వారి కష్టాలన్నీ తొలగిపోతాయని నమ్ముతారు. ఇది కాకుండా అన్ని రకాల భయాల నుండి వారు విముక్తి పొందుతారు.

మకర రాశి:

జ్యోతిష్య శాస్త్రం ప్రకారం, శివునికి ఇష్టమైన రాశుల్లో మకర రాశి ఒకటి. ఈ రాశికి అధిపతి శని దేవుడు. శని పరమ శివుడికి ప్రియమైన భక్తుడు అని అంటారు. అందుకే మకర రాశి వారికి శివునికి విశేష ఆశీస్సులు ఉంటాయి. ఈ రాశి వారు సోమవారం నాడు శివలింగానికి బేలపత్రం, గంగాజలం, ఆవు పాలు నైవేద్యంగా పెడితే అన్ని కష్టాలు తొలగిపోతాయని నమ్మకం. దీంతో పాటు అన్ని పనుల్లో కూడా విజయం సాధిస్తారని విశ్వాసం.

కుంభ రాశి:

కుంభ రాశికి అధిపతి శని దేవుడుగా పరిగణిస్తారు. ఈ రాశి వారికి శని దేవుని విశేష అనుగ్రహంతో పాటు పరమ శివుని అనుగ్రహం కుడూ ఉంటుంది. కుంభ రాశి వారు శివుడిని పూజిస్తే సులువుగా ప్రసన్నం చేసుకోవచ్చని చెబుతారు. కుంభ రాశి వారు శివలింగంపై నీటితో అభిషేకం చేయాలని అంటారు.