చలికాలం వచ్చేస్తోంది! బేబీ దుస్తులు జాగ్రత్త!!

By B N Sharma

Published: Tuesday, August 23, 2011, 14:44 [IST]

చలికాలం వచ్చేస్తోంది. ముద్దుగారే మీ పాప కాళ్లు చల్లబడకుండా చూడాల్సిన అవసరం వుంది. అందుకోసం కొన్ని దుస్తుల సూచనలు పాటించండి! మీ బేబీ సున్నితమైన చర్మానికి మెత్తని, సౌకర్యవంతమైన దుస్తులు కావాలి. ఈ దుస్తులు వీలైనంత వరకు లైట్ కలర్ లో వుండేలా చూడండి. ఎంుకంటే వాటిని ఎపుడు శుభ్రం చేయాలనేది కూడా మీకు తెలుస్తుంది.

చలికాలం వేసే దుస్తులు ఎలావుండాలంటే -
1. అధికంగా గుడ్డలతో బేబీని ముంచెత్తకండి. బేబీ గాలి లేక అసౌకర్యం భావిస్తుంది. బటన్లు లేని తేలికగా తీసివేయగల జెర్సీలు వేయండి.
2. పొడుగు చేతుల షర్టులను వేస్తే చేయి పూర్తిగా కవర్ అవుతుంది.
3. చలిగాలి ఎక్కువగా వున్నా, మంచుపడుతున్నా చెవులలో దూది పెట్టంది. తల వెచ్చగా వుండేలా ఉన్ని టోపీ పెట్టండి.
4. పూర్తి వున్ని బట్టలు వేయవద్దు. బదులుగా కాటన్ వాడి శరీరానికి ఏదేనా వింటర్ క్రీమ్ రాయండి.
5. చలిగా వున్నప్పటికి బేబీకి రగ్గులు, దుప్పట్లు మొదలైనవి అధికంగా కప్పకండి.
6. కాళ్ళకు సాక్స్, పైజమా తొడగండి. చేతులకు కూడా చిన్న సైజు సాక్స్ వేయచ్చు.
బేబీకి ఎపుడూ ఎక్కువ బట్టలు వేయకండి. అవసరమనుకుంటే మెత్తటి కుషన్లు, బొమ్మలు లేదా ఉన్ని దుప్పటి లాంటివి వెచ్చగా వుంటానికి పక్కనే పెట్టండి.