దంత సంరక్షణ - ఇంటివద్దే!

By B N Sharma

Published: Tuesday, January 3, 2012, 11:11 [IST]

పిల్లలు చిన్నవారుగా వున్నపుడే వారికి దంతాలను ఎలా సంరక్షించుకోవాలనేది నేర్పాలి. ప్రతిరోజూ రెండు సార్లు బ్రషింగ్ చేయాలని, సంవత్సరానికొకసారి దంతాలను దంత వైద్యుడివద్ద పరీక్షింపచేయాలని తెలుపాలి. పిల్లలలో దంతాలకు తరచుగా కేవిటీలు ఏర్పడతాయి. వీటిని నివారించాలంటే తీపి పదార్ధాలు, కూల్ డ్రింకులు వంటివి వారికి భోజనానికి భోజనానికి మధ్య ఇవ్వరాదు. భోజనం లేదా స్నాక్స్ వంటివి నిర్దేశిత సమయాలలో ఇవ్వాలి. దంత సంరక్షణ ఆహారాలైన తాజా పండ్లు, కూరగాయలు, జున్ను, గట్టిగా నమిలే కాయలు వంటివి తినిపించాలి.

పిల్లలలో దంత క్షయాన్ని అరికట్టాలంటే, ముందుగా వారికి చేతనయ్యేటంతవరకు పెద్దవారే వారి దంతాలు ప్రతిరోజూ రెండు సార్లు బ్రష్ చేయాలి.
కాల్షియం అధికంగా వుండే ఆహారాలైన పాలు, గింజలు మొదలైనవి ఇస్తే వారికి మంచి దంత సంరక్షణ కలుగుతుంది. కేవిటీలు రాకుండా వుంటాయి. పిల్లల దంతాలు కేవిటీలు లేకుండా ఆరోగ్యంగా వుండాలంటేవారికి ఆరోగ్యకరమైన బ్రేక్ ఫాస్ట్ క్రమం తప్పకుండా ప్రతిరోజూ తినిపించాలి.

వివిధ రకాల బ్రషింగ్ ఛార్టులు, దంత సంరక్షణా ఫొటోలు వంటివి చూపుతూ వారిలో దంత సంరక్షణ పట్ల అధిక అవగాహన చిన్నతనంలోనే కలిగించాలి.