పిల్లలు తినకూడని 4 ఆహార పదార్ధాలు!

By B N Sharma

Published: Monday, February 13, 2012, 16:30 [IST]

నేటి రోజుల్లో పిల్లలకు తరచుగా చిప్స్, చాక్లెట్లు, ఇతర వేపుడు పదార్ధాలు పెట్టేస్తున్నారు. ఈరకమైన జంక్ ఫుడ్ తిని వారు బొద్దుగా గుండ్రంగా, ముందుకు పొడుచుకు వచ్చిన పొట్టలతో అసహ్యమైన శారీరక సౌష్టవం కలిగి వుంటున్నారు. పిల్లలు ఆనందపడాలని తల్లితండ్రులు, విలువలు లేని ఆహారాలను అందించి వారి అనారోగ్యానికి కారణమవుతున్నారు. ఆరోగ్యవంతమైన శరీరాలు కలిగి, ఉత్సాహంగా వుండాలంటే ప్రధానంగా పిల్లలు తినకూడని ఆహారాలు కొన్ని పరిశీలించండి. పాప్ కార్న్, పిజ్జాలు, బర్గర్లు, కేండీలు, చ్చూయింగ్ గమ్ వంటివి పిల్లలకు హాని కలిగిస్తాయి.
అంతేకాక, అతి త్వరగా పిల్లలకు హాని కలిగించే తిండి పదార్ధాలు చెప్పాలంటే....

1. డ్రింక్ లు - పిల్లలు అమితంగా ఇష్టపడే కార్బోనేటెడ్ కూల్ డ్రింక్ లు పట్టకండి. బయట పాలువంటి పానీయాలు పట్టినప్పటికి వాటిని కనీసం 10 నిమిషాలు బాగా వేడి చేయండి. కూల్ డ్రింక్ లకు బదులుగా సహజ పానీయాలైన పండ్ల రసాలు పట్టండి.

2. జెల్లీలు, జామ్ లు, వంటివి వారికి పెట్టకండి. తేలికగా జీర్ణమయ్యే సహజమైన వెన్న పదార్ధాలు తక్కువ మొత్తాలలో బ్రెడ్ వంటి వాటితో ఆరోగ్యాన్ని చేకూరుస్తాయి.

3. పిల్లలకు ఆహారాన్ని పెద్ద మొత్తాలలో పెట్టకండి. వారు తినటం ఇపుడిపుడే నేర్చుకుంటూంటారు. పెద్ద మొత్తాలలో ఆహారం వారి ఆహార గొట్టానికి అడ్డంపడి ఇబ్బంది కలిగిస్తుంది. ఆమారాన్ని గుజ్జుగా చేసి తినిపించాలి. ఫ్రిజ్ లో పెట్టిన ఆహార పదార్ధాలను వారికి తినిపించకండి.

4. నోటికి అంటుకునే గట్టి ఆహారాలైన పాప్ కార్న్ వంటివి పెట్టకండి. ఇవి ఆహార గొట్టానికి అంటుకుంటే అసౌకర్యం కలిగిస్తాయి. బాగా పండిన పండ్లు, తురిమిన కూరల సలాడ్ వంటివి కొద్ది కొద్దిగా తినిపించవచ్చు.

పిల్లలు తినే పరిసరాలను శుభ్రంగా, ఆరోగ్యకరంగా వుంచండి. లేదాంటే వారికి ఎలర్జీలు వచ్చే ప్రమాదం వుంది. తినే ప్లేట్లను, గ్లాసులను, చెంచాలను పూర్తిగా స్టెరిలైజ్ చేసి వుంచండి. వారు తినేటపుడు వాటిని కూడా నోటిలో పెట్టుకుంటూ వుంటారు.