ఆరు నెలల గర్భం - ఆనందం అంతా మీదే!

ఆరవ నెల గర్భం - 21వ వారం - మీరు గర్భవతి అన్న ఆనందం పూర్తిగా అనుభవిస్తూంటారు. అందుకు అనువైన దుస్తులు ఏర్పరచుకొనండి. ఇక గర్భంలోని మీ బేబీ దంతాలు చిగుళ్ళలో ఏర్పడుతుంటాయి. బేబీకి ఇదే సమయంలో చర్మంలో నూనె గ్రంధులు కూడా ఏర్పడుతూంటాయి.

22వ వారం - మీ బేబీ కండరాలు రోజు రోజుకు బలంగా తయారవుతూంటాయి. మీ గర్భంలో బేబీ కదలికలు అధికమై మీకు నొప్పి కలిగిస్తూంటుంది. బేబీకి కళ్ళు, కనురెప్పలు కూడా వస్తాయి. ఎక్కిళ్ళు, పిత్తులు కూడా గర్భంలోని బేబీ చేస్తూంటుంది. బేబీ గుండె చప్పుడు స్టెతస్కోప్ లేకుండానే వినపడుతూంది. తండ్రి మీ గర్భంపై చెవి ఆనించి బిడ్డ గుండె చప్పుడు వినవచ్చు.

వారం 23 - 22 వారాలు నిండిన గర్భంలోని పిండం ఒక మానవ శరీరంగా రూపొందింది. పెద్దతల, చిన్న శరీరంతో వుంటుంది. ఇక మీరు మానసికంగా, శారీరకంగా మీ బేబీ ప్రసవం కొరకు సిద్ధపడాలి.

ఈ సమయంలో కొన్ని వ్యాయామాలు కూడా అత్యవసరం. అవసరమనుకుంటే వ్యాయామ తరగతులకు చేరండి. ఈ వ్యాయామాలు మీకు యోని ద్వారా శిశు జననానికి దోహదం చేసి అనేక ఆరోగ్య సమస్యలు నివారిస్తాయి. ఈ దశలో మీ బేబీకి కొంత రంగు కూడా ఏర్పడుతుంది. బేబీ వర్ఛస్సు ఏర్పడటానికి ఇది మొదటి దశ. ఒకసారి ఇపుడు మీరు అల్ట్రా సౌండ్ స్కానింగ్ చేయించి బేబీకిగల ఖచ్చితమైన పొజిషన్, వారాల సంఖ్యను నిర్ధారించుకోవాలి. వైద్యదు్యలు అవసరమనుకుంటే మరి కొన్ని పరీక్షలు కూడా చేస్తారు.

ఈ సమయంలో మీకు మలబద్ధకం, మొలలు వంటి అసౌకర్యాలు కూడా కలుగవచ్చు. శరీరంలో రక్త పరిమాణం పెరుగుతుంది. కొద్దిపాటి రక్తస్రావం కూడా చూపవచ్చు. రక్తం అధికం కావడంవలన లావెక్కుతున్న రక్తనాళాలకు నొప్పి నివారణగా ఐస్ ప్యాక్ మర్దన వంటివి కూడా చేయండి. ఇక ప్రసవానికై మీరు రోజులు లెక్కిస్తూ గడిపేయవచ్చు.