Latest Updates
-
రైలులో థర్డ్ ఏసీ ప్రయాణంపై కొడుకు ఫిర్యాదు.. జనరల్ కంపార్ట్మెంట్ కి తీసుకెళ్లిన తండ్రి.. వీడియో వైరల్ -
మేఘన చికెన్ బిర్యానీ.. అస్సలు మిస్ అవ్వకండి! -
కేవలం వారం రోజుల్లో బరువు తగ్గడం ఎలా? ఈ సింపుల్ టిప్స్ పాటిస్తే చాలు.. -
బరువు తగ్గడానికి, షుగర్ కంట్రోల్ కు బెస్ట్..ఇంట్లోనే హై ప్రోటీన్ చపాతీ చేసుకోండిలా.. -
చలికాలంలో జలుబు, దగ్గు దరిచేరనివ్వని..ఇమ్యూనిటీని రెట్టింపు చేసే ఉసిరి చ్యవన్ ప్రాష్ ఎలా చేసుకోవాలంటే.. -
శీతాకాలపు పార్టీల్లో అతిగా తిని, తాగుతున్నారా? తీవ్రమైన ప్యాంక్రియాటైటిస్ ముప్పు! -
చలికాలంలో శరీరానికి వెచ్చదనాన్నిచ్చే ఆరోగ్యకరమైన నువ్వుల పట్టీ..ఇంట్లోనే ఇలా చేసుకోండి! -
ఒక్క లిప్ కిస్ ప్లీజ్.. విదేశీ యూట్యూబర్ తో మనోడు వెకిలి చేష్టలు, వీడియో చూడండి.. -
రాజస్థానీ పెరుగు వెల్లుల్లి చట్నీ.. ఇడ్లీ, దోశ, చపాతీలకు బెస్ట్ సైడ్ డిష్..ఎలా చేసుకోవాలంటే.. -
ఆరోగ్యం, రుచి కలగలిసిన చలికాలం స్పెషల్..బీట్ రూట్ లడ్డూ ఇలా ఈజీగా చేసేయండి!
గంటల సమయం పట్టకుండా.. కేవలం 20 నిమిషాల్లోనే రుచికరమైన నిమ్మకాయ పచ్చడి చేసుకోండిలా!
భోజనం చేసేటప్పుడు కంచంలో ఎన్ని రకాల కూరలు ఉన్నా, పక్కన ఒక చెంచా పచ్చడి ఉంటే ఆ రుచే వేరు. మామూలు అన్నాన్ని సైతం ఎంతో ప్రత్యేకంగా, కమ్మగా మార్చేసే అద్భుత శక్తి ఒక్క ఊరగాయకు మాత్రమే ఉంది. అందుకే మనందరం పచ్చళ్లను ఎంతో ఇష్టపడతాం. ముఖ్యంగా సాంప్రదాయ పద్ధతిలో తయారుచేసే నిమ్మకాయ పచ్చడి తన పుల్లని, కారమైన ప్రత్యేక రుచితో ప్రతి ఒక్కరి మనసులను ఇట్టే గెలుచుకుంటుంది. భోజనం మొదట్లో అయినా, చివర్లో అయినా ఈ పచ్చడి రుచి చూస్తే ఎవరైనా సరే లొట్టలేసుకుంటూ తినాల్సిందే.
అయితే ఈ పచ్చడి చేయడానికి గంటల కొద్దీ సమయం పడుతుందని చాలామంది అనుకుంటారు. కానీ కేవలం 15 నుండి 20 నిమిషాల్లోనే ఇంట్లోనే ఎంతో రుచికరమైన, తాజా నిమ్మకాయ పచ్చడిని సులభంగా తయారు చేసుకోవచ్చు. సాధారణంగా నిమ్మకాయను ఎక్కువగా రసం లేదా శీతల పానీయాల కోసమే ఉపయోగిస్తారు. కానీ చాలా ఇళ్లలో ఈ పండుతో ఘుమఘుమలాడే, కారమైన, పుల్లని ఊరగాయ కూడా చేస్తారు. వేడి వేడి అన్నంలో కాస్త నెయ్యి వేసుకుని లేదా పెరుగుతో కలిపి తింటే దీని రుచి అమోఘంగా ఉంటుంది. మరి దీన్ని తయారు చేయడానికి కావలసిన పదార్థాలు,విధానం ఇక్కడ చూడండి.

కావలసిన పదార్థాలు
నిమ్మకాయలు: 4 నుండి 5
ఆవాలు: 2 టేబుల్ స్పూన్లు
మెంతులు: అర టీస్పూన్
పసుపు పొడి: అర టీస్పూన్, చిటికెడు
ఎర్ర కారం పొడి: 3 నుండి 4 టేబుల్ స్పూన్లు
వంట నూనె: అవసరమైనంత
ఉప్పు: రుచికి సరిపడా
తయారీ విధానం
-ముందుగా తాజా నిమ్మకాయలను తీసుకుని శుభ్రంగా కడిగి, మీకు కావలసిన పరిమాణంలో చిన్న చిన్న ముక్కలుగా కోసి పక్కన పెట్టుకోవాలి.
-తర్వాత స్టవ్ మీద బాండీ పెట్టి నూనె పోసి వేడెక్కనివ్వాలి. నూనె వేడెక్కిన తర్వాత ఆవాలు వేసి అవి చిటపటలాడే వరకు వేచి ఉండాలి. అనంతరం మెంతులు, చిటికెడు పసుపు పొడి వేసి సువాసన వచ్చే వరకు కొద్దిసేపు వేయించాలి.
-ఇప్పుడు తరిగి పెట్టుకున్న నిమ్మకాయ ముక్కలను బాండీలో వేసి గరిటెతో బాగా కలపాలి. ఆ తర్వాత అర టీస్పూన్ పసుపు పొడి, రుచికి సరిపడా ఉప్పు,కారం పొడి వేసి ముక్కలన్నింటికీ పట్టేలా బాగా కలుపుకోవాలి. నిమ్మకాయను పిండినప్పుడు వచ్చే రసాన్ని కూడా ఇందులో కలపడం వల్ల ఊరగాయ రుచి మరింత రెట్టింపు అవుతుంది. దీనిని మీడియం మంట మీద సుమారు 5 నిమిషాల పాటు వండితే చాలు, ఎంతో సువాసనగల, నోరూరించే నిమ్మకాయ ఊరగాయ రెడీ.
-వేడి అన్నం, పెరుగు లేదా చపాతీతో కలిపి తిన్నప్పుడు దీని రుచి మరింత పెరుగుతుంది.
Boldsky బ్రేకింగ్ న్యూస్ అలర్ట్స్ కోసం | Subscribe to Telugu Boldsky.



Click it and Unblock the Notifications
