పిజ్జా, బర్గర్‌లు దీని ముందు పరార్.. నోట్లో ఇట్టే కరిగిపోయేలా ఆలూతో ఎగ్‌ బజ్జీ.!

ఎగ్‌ బజ్జీ, ఆలూ బజ్జీ ఇలా విడివిడిగా బోండాలు తిని ఉంటారు. కానీ ఈ రెండింటి కాంబినేషన్‌తో ఎప్పుడైనా బజ్జీ టేస్ట్‌ ట్రై చేశారా.? తలచుకుంటేనే నోట్లో నీళ్లూరుతున్నాయి కదా.. అటు హెల్తీగా ఇటు ఒక్క బోండాతోనే కడుపు నిండేలా త్వరగా చేసుకునేలా ఆలూ ఎగ్‌ చాప్స్‌ ఎలా చేసుకోవాలో ఇక్కడ చూద్దాం..

కోడిగుడ్లు- నాలుగు
బంగాళాదుంప- నాలుగు
పచ్చిమిర్చి- నాలుగు
శనగపిండి- కప్పు
కొత్తిమీర- అరకప్పు
ఉప్పు- తగినంత
కారం- టీస్పూన్‌
ధనియాల పొడి- టీస్పూన్‌
ఉల్లిపాయ- ఒకటి
పసుపు- పావు టీ స్పూన్‌
చాట్‌ మసాలా- టీస్పూన్‌
నూనె- డీప్‌ ఫ్రై కోసం

View this post on Instagram

A post shared by Pavani Kishore✨ (@pavanikishore_5)

-ముందుగా కోడిగుడ్లను ఉడికించి పెట్టుకోవాలి. మరో గిన్నెలో బంగాళాదుంపలను ఉడికించుకోవాలి. కోడిగుడ్లను పొట్టు తీసి ఒక్కో గుడ్డును నాలుగు సమభాగాలుగా పొడవుగా కట్‌ చేసుకుని ఒక ప్లేట్‌లో పక్కన పెట్టుకోవాలి. ఇప్పుడు ఉడికించిన బంగాళాదుంపల పొట్టు తీసి ఒక గిన్నెలోకి తీసుకుని మెత్తగా మాష్‌ చేసుకోవాలి. అందులో కారం, ఉప్పు, పసుపు, ధనియాల పొడి, ఉల్లిపాయ, కొత్తిమీర వేసి కలుపుకొని స్టఫ్‌లాగా చేసుకోవాలి.

-ఇప్పుడు కట్‌ చేసి పెట్టుకున్న కోడి గుడ్లను బంగాళాదుంప స్టఫ్‌తో పూర్తిగా కప్పేసుకోవాలి. తర్వాత ఓ గిన్నెలో శనగ పిండిని వేసుకుని అందులో కొద్దిగా ఉప్పు, కారం, ధనియాలపొడి, చాట్‌ మసాలా, కొన్ని నీళ్లు పోసుకుని కొంచెం లూజ్‌గా కలుపుకోవాలి.

-చివరిగా ఓ బాణలిలో నూనె పోసి వేడయ్యాక.. ఎగ్‌ చాప్స్‌ను శనగపిండిలో ముంచి ఆయిల్‌లో వేసి మంచిగా డీప్‌ ఫ్రై చేసుకోవాలి. ఇలా అన్నిటినీ చేసుకోవాలి. అంతే టేస్టీ ఆలూ ఎగ్‌ చాప్స్‌ రెడీ. వీటిని టొమాటో సాస్‌ లేదా గ్రీన్‌ చట్నీతో తింటే టేస్ట్‌ అద్భుతంగా ఉంటుంది. సాయంత్రం వెరైటీ స్నాక్స్‌ కోరుకునే వారికి ఇది పర్ఫెక్ట్‌ ఛాయిస్‌..