బొబ్బట్లు, బూరెలు, అరిసెలు.. సంక్రాంతికి ఆంధ్ర పిండివంటలు అదిరిపోవాల్సిందే

చక్కెర పొంగలి:

బియ్యం, పెసరపప్పు, నెయ్యి వేసి ఎర్రగా వేయించుకోవాలి. అందులో నీళ్లు, పాలు పోసి దగ్గరగా ఉండికించుకోవాలి, కొబ్బరి ముక్కలు, జీడిపప్పు, కిస్మిస్ వేసుకుంటే చక్కెర పొంగలి రెడీ అయినట్టే.

బొబ్బట్లు:

బొబ్బట్లు ఆంధ్ర ప్రత్యేక వంటకమని చెప్పాలి. దాదాపు ప్రతి పండగకు బొబ్బట్లు చేసుకుంటారు. బొబ్బట్లు ఎంతో రుచిగా ఉంటాయి. కొద్దిగా నెయ్యి వేసుకుని తింటే అద్భుతమనే చెప్పాలి.

కజ్జికాయలు:

సంక్రాంతి పండగకు ఎక్కువగా చేసుకునే పిండి వంటకం కజ్జికాయలు. ఆంధ్రప్రదేశ్‌తో పాటు తెలంగాణ ప్రాంతాల్లోనూ కజ్జికాయలు చేస్తారు. కజ్జికాయలను గరిజెలు అని కూడా పిలుస్తారు.

నువ్వుల ఉండలు:

వీటిని నువ్వులు, బెల్లం కలిపి తయారు చేస్తారు. సంక్రాంతికి ప్రత్యేకంగా చేసే నువ్వుల ఉండలు ఆరోగ్యానికి ఎంతో మంచిది.

మసాలా వడలు:

మసాలా వడలు అంటే ఎవరికైనా నోరూరాల్సిందే. డీప్ ఫ్రైడ్ క్రిస్పీ వడలు సాయంత్రం వేళ స్నాక్‌గా తీసుకుంటే బాగుంటాయి.

పూర్ణం బూరెలు:

పూర్ణం బూరెలను వివిధ చోట్ల వేర్వేరు పేర్లతో పిలుస్తుంటారు. కానీ ప్రతి చోట పూర్ణం బూరెలు చేసుకుంటారు. లోపల పప్పు, బెల్లం కలిపిన మిశ్రమాన్ని ఉంచి బంతుల్లా తయారు చేస్తారు. వాటిని నూనెలో వెయిస్తారు.

చంద్రకాంతలు:

ప్రసిద్ధ ఆంధ్ర స్వీట్లలో చంద్రకాంతలు ఒకటి. సంక్రాంతి పండగకు తప్పనిసరిగా తినాల్సిన వంటకం చంద్రకాంతలు. ఇవి ఎంతో పోషక విలువలతో నిండి ఉంటాయి. చంద్రకాంతల ప్రత్యేక రుచికి ఎవరైనా ఫ్యాన్‌గా మారాల్సిందే.

అరిసెలు:

దక్షిణ భారత్‌లో ఎక్కువగా వినిపించే స్వీట్ అరిసెలు. ఆంధ్రప్రదేశ్‌తో పాటు తెలంగాణలోని చాలా ప్రాంతాల్లో అరిసెలు చేస్తారు. సంక్రాంతి ప్రత్యేక స్వీట్ అరిసెలు.

వెన్న అప్పాలు:

పెళుసైన ఆకృతి అత్యద్భుతమైన రుచి వెన్న అప్పాల సొంతం. వెన్న అప్పాలు నచ్చని వారు ఉండరంటే అతిశయోక్తి కాదు. ఆంధ్రా ప్రజలు వెన్న అప్పాలను ఎంతో ఇష్టంగా తింటారు. ఈ అప్పాలను సంక్రాంతికి ప్రత్యేకంగా తయారు చేస్తారు.