స్పైసీ చికెన్ గోబీ

Non Veg

oi-Saraswathi

By Sindhu

Published: Sunday, March 25, 2012, 11:31 [IST]

కావలసిన పదార్థాలు:
గోబి చికెన్: 1/2kg
కాలీఫ్లవర్: 3cup
నూనె : తగినంత
ఉల్లి పేస్ట్ : 2tbsp
టొమోటో: 1 cup
అల్లంవెల్లుల్లి : 1/2 cup
కారం: 2 tsp
పచ్చిమిర్చి తరుగు: 1/2 cup
పచ్చి కొబ్బరి పేస్ట్ : 1/2 cup
గసాల పేస్ట్ : 2 tbsp
ధనియాలపొడి: 2tsp
గరంమసాలా : 1tsp
పసుపు: 1/2tsp
ఉప్పు : రుచికి సరిపడ
కొత్తమీర: 2tbsp
పెరుగు: 3tbsp

తయారు చేయు విధానం:

1. చికెన్‌ను మరీ పెద్దగా కాకుండా ముక్కలుగా కట్ చేసి, శుభ్రం చేసి కొత్తిమీర తురుము, ధనియాల పొడి, మసాలా పొడి, కారం, పసుపు, అల్లం-వెల్లుల్లి ముద్ద, కొబ్బరి, గసాల పేస్ట్, టీస్పూను ఉప్పు వేసి ముక్కలకు పట్టించి కొద్దిసేపు ఊరనిచ్చి 2 విజిల్స్‌ వచ్చేవరకూ కుక్కర్‌లో ఉడికించి పక్కన పెట్టుకోవాలి. తర్వాత అందులోనే కొద్దిగా నూనె, పెరుగు, మరియు అల్లం వేసి మరో ఐదునిమిషాల పాటు ఉడికించాలి.
2. కాలీఫ్లవర్‌ను చిన్న చిన్న రెమ్మలుగా విడదీసి శుభ్రంచేసి ఉడికించి అదీ సపరేట్ గా పెట్టుకోవాలి.
3. పాన్ లో నూనె వేసి కాగాక, ఉల్లి పేస్ట్ వేసి, దోరగా వేపి, అల్లంవెల్లుల్లి, పచ్చిమిర్చి తురుము వేసి మంచివాసన పోయేవరకూ వేయించాలి.
4. ఇప్పుడు అందులో చికెన్‌ మిశ్రమం, కాలీఫ్లవర్‌, టొమాటో ముక్కలు కూడా వేసి ఉప్పు సరిచూసి, మంట తగ్గించి ఉంచాలి. కొద్దిగా చిక్కబడి దగ్గరగా ఉడికిన తరువాత దించేయాలి. అంతే గోబీ చికెన్ రెడీ.