దదియా చికెన్

Non Veg

oi-Saraswathi N

By Sindhu

Published: Thursday, March 18, 2010, 16:35 [IST]

కావలసిన పదార్ధాలు:
చికెన్: 1/2 kg
టమోటాలు: 2
పుదీనా: 1/2 cup
కొత్తిమీర: 1/2 cup
పచ్చిమిర్చి: 4
యాలకలు: 3
జీడిపప్పు: 2 tbsp
లవంగాలు: 4
చెక్క: 1 పీస్
వెన్న: 3 tsp
కారం: 2 tsp
పెరుగు: 1 cup
జీలకర్ర: 1 tsp
ఉప్పు: రుచికి సరిపడా
వెల్లుల్లి: 8 రెబ్బలు

తయారు చేయు విధానము:
1. ముందుగా మిక్సీ జార్ లో కొత్తిమీర, జీడిపప్పు, వెల్లుల్లి, టమోటాలు, పుదీనా, పచ్చిమిర్చి వేసి గ్రైండ్ చేసి పెట్టుకోవాలి.
2. నీటిలో శుభ్రం చేసిన బోన్ లెస్ చికెన్ తీసుకుని తగినంత ఉప్పు, పెరుగు వేసి దానితో పాటి మొదట గ్రైండ్ చేసి పెట్టుకొన్న మిశ్రమాన్ని కూడా అందులో వేసి బాగా కలిపి అరగంట సేపు నానబెట్టాలి.
3. ఇప్పుడు స్టౌ పై పాన్ పెట్టి అందులో వెన్న వేసి బాగా కరిగిన తర్వాత కొద్దిగా చెక్క, లవంగాలు, యాలకలు, జీలకర్ర వేసి పైన నానబెట్టిన చికెన్ వేసి బాగా కలుపుకోవాలి.
4. చికెన్ ఉడికిన కొద్ది సేపటికి కారం, ఉప్పు వేసి బాగా కలిపి మరికొద్దిసేపు ఉడకనివ్వాలి, తర్వాత దించి వేరే గిన్నెలోనికి తీసుకుని టమాటా, క్యారెట్ ముక్కలతో గార్నిష్ చేసుకుంటే దదియా చికెన్ రెడీ.