నోరూరించే మటన్ కిచిడి

తయారు చేయు విధానం:
1. ముందుగా మటన్ ను శుభ్రం చేసి అల్లం, వెల్లుల్లి, ఉల్లిపాయ పేస్ట్ లోకి నిమ్మరసం, ఉప్పు కలిపిన మిశ్రమంలో మూడు గంటల పాటు నానబెట్టాలి.
2. మూడు గంటల తర్వాత రెండు కప్పుల బియ్యాన్ని శుభ్రం చేసి నాలుగు కప్పుల నీళ్ళు, కొద్దిగా ఉప్పువేసి ఉడికించి అన్నం వార్చి పెట్టుకోవాలి.
3. తర్వాత అరకప్పు నీళ్ళు కుక్కర్ లో పోసి ఆ నీరు పూర్తిగా ఇమిరిపోయే వరకు మటన్ ను ఉడికించాలి.
4. తర్వాత సపరేట్ పాన్ స్టౌ మీద ఉంచి నూనె పోసి మటన్ ముక్కలు వేసి ఎర్రగా వేయించాలి. ఒక బౌల్ లోనికి తీసుకోవాలి.
5. ఇప్పుడు అదే పాన్ లో మరికొద్దిగా నూనె వేసి కాగిన తర్వాత, పచ్చిమిర్చి, ఉల్లిపాయ ముక్కలు వేసి వేగనివ్వాలి.
6. వెంటనే టమోటో గుజ్జు అందులో వేసి తక్కువ మంట మీద వేయించాలి. రెండు నిమిషాల తర్వాత మటన్ కూడా వేసి కొద్ది సేపు వేగనివ్వాలి. ఇందులో అన్నం కలిపి రెండు నిమిషాలు వేడిచేయాలి. ఏదైనా పచ్చడి, లేదా రైతా సర్వ్ చేస్తే ఎంతో రుచికరంగా ఉంటుంది.