ఆరోగ్యం... రుచి..క్యాలీఫ్లవర్ ఎగ్ కర్రీ

Non Veg

oi-Saraswathi

By Sindhu

Updated: Thursday, November 22, 2012, 14:31 [IST]

క్యాలీఫ్లవర్ మరియు ఎగ్ కర్రీ యూనివర్సల్ కాంబినేషన్. ఈ రెండింటి కాంబినేషన్స్ తో చేసే కర్రీ చాలా టేస్టీగా ఉంటుంది. రైస్, నాన్ కు మంచి కాంబినేషన్. మరియు క్యాలీప్లవర్, ఎగ్ ఆహారంలో తీసుకోవడం వల్ల ఆరోగ్యం కూడా. వీటి రెండింటిలో ఉన్న క్యాల్షియం, ఐరన్, శరీరానికి కావల్సిన శక్తిని అందిస్తాయి.

కావల్సిన పదార్థాలు:
క్యాలీఫ్లవర్ ముక్కులు: 2cups(ఉప్పు వేసి వేడి నీళ్ళలో ఐదు నిముషాలు వేసి తీయాలి)
కోడిగుడ్లు: 6(ఉడికించి ఒక్కో గుడ్డును రెండు ముక్కలు చేయాలి)
టమోటోలు: 3
ఉల్లిపాయ: 1
కారం: 2tsp
ఉప్పు: రుచికి సరిపడా
జీలకర్ర, ఆవాలు: 1tsp
పసుపు: 1tsp
మసాలా పొడి: 1/2tsp
అల్లం వెల్లుల్లి పేస్ట్: 1tsp
నువ్వుల పొడి: 1tsp
నూనె: తగినంత
ధనియాల పొడి : 1tsp
కొబ్బరి పొడి: 1tsp
కొత్తిమీర: గార్నిష్ కి సరిపడా

తయారు చేయు విధానం:
1. ముందుగా పాత్రలో నూనె వేసి వేడయ్యాక, ఆవాలు, జీలకర్ర చిటపటలాడించాలి. తర్వాత ఉల్లిపాయలు కూడా వేసి బ్రౌన్ కలర్ వచ్చేంత వరకూ వేయించాలి.
2. పసుపు, అల్లం వెల్లుల్లి పేస్ట్ వేసి వేయించాక, టమోటో ముక్కలు జత చేసి అయిదు నిమిషాలు వేయించాలి.
3. క్యాలీఫ్లవర్ ముక్కలు వేసి అయిదు నిముషాలు వేయించాక కొబ్బరి పొడి, నువ్వుల పొడి, ధనియాల పొడి, గరం మసాలా వరుసగా వేసి ఐదు నిముషాల పాటు వేయించి, ఉడికించిన గుడ్లను రెండు బాగాలుగా చేసి అందులో వేసి ఫ్రై చేయాలి.

4. చివరగా కొత్తిమీరతో గార్నిష్ చేసి దింపేయాలి. అంతే క్యాలీఫ్లవర్ ఎగ్ కర్రీ రెడీ..