నోరూరించే చికెన్ మెకరోనీ

By Pratap

Published: Tuesday, July 12, 2011, 16:12 [IST]

కావాల్సినవి:
ఉడికించిన పాస్టా రెండున్నర కప్పులు, బొన్‌లెస్ చికెన్ అరకప్పు, వెల్లుల్లి తురుము టీ స్పూన్, టొమాటో గుజ్జు 2 కప్పులు, మిరియాల పొడి అరటీ స్పూను, జాజికాయ పొడి అర టీ స్పూను, కారం అర టీస్పూను, యాలకుల పొడి అర టీస్పూను, యాలకులు మూడు, గరం మసాలా టేబుల్ స్పూను, క్యాప్సికమ్ ఒకటి, నూనె రెండు టీ స్పూనులు, వెన్న రెండు టీస్పూనులు, ఉప్పు సరిపడినంత

తయారు చేసే విధానం:

1. తగినన్ని నీళ్లలో టీ స్పూను నూనె వేసి పాస్టాని ఉడికించి తీయాలి. తర్వాత చల్లని నీళ్లలో కడిగి వాటి మీద ఓ టేబులు స్పూను నూనె చల్లి పక్కన పెట్టాలి.

2. పాత్రలో రెండు టీ స్పూన్ల నూనె, వెన్న వేసి కాగపెట్టాలి. ఆ తర్వాత వెల్లుల్లి తురుము వేసి వేయించాలి. సన్నగా కోసిన చికెన్ ముక్కలు వేసి కాసేపు వేయించాలి. ఆ ముక్కల పచ్చి వాసన తగ్గిన తర్వాత టొమాటో గుజ్జు, ఉప్పు, మిరియాల పొడి, జాజికాయ పొడి, కారం, యాలకుల పొడి వేసి బాగా కలిపి సిమ్‌లో ఉడకపెట్టాలి. తర్వాత గరం మసాలా వేసి మరికాసేపు ఉడికించాలి. చికెన్ ఉడికి మంచి వాసన వస్తున్న సమయంలో ఉడికించిన మెకరోనీ వేసి కలిపి సిమ్‌లో ఐదు నిమిషాల పాటు ఉడికించాలి. దాన్ని దించి క్యాప్సికమ్ ముక్కలతో అలంకరించాలి.