బాదాం - బేసన్(శెనగపిండి) లడ్డు

Snacks

oi-Saraswathi

By Sindhu

Published: Tuesday, July 3, 2012, 15:12 [IST]

బాదాం బేసన్ లడ్డు చాలా రుచికరమైన స్వీట్. ఇది శెనగ పిండి, బాదం పొడి మిశ్రమంతో తయారు చేస్తారు. చేయడం కూడా సులభమే. సమయం కూడా చాలా తక్కువగా పడుతుంది. ఈ వంట చేయడానికి 15-20నిమిషాలు వ్యవధి పడుతుంది. ఇవి పిల్లలకు పెద్దలకు ఇష్టమైన రుచికరమైన వంటకం.

కావలసిన పదార్థాలు:
బాదాం: 25-30
శెనగపిండి: 4cups
నెయ్యి: 2cups
యాలకుల పొడి: 1tsp
పంచదార పొడి: 2cups

తయారు చేయు విధానం:
1. ముందుగా స్టౌ వెలిగించి పాన్ పెట్టి అందులో నెయ్యి వేసి వేడయ్యాక యాలకుల పొడి వేయాలి.
2. తర్వాత అందులోనే రెండు కప్పుల శనగ పిండి వేసి తక్కువ మంట మీద పచ్చివాసన పోయే వరకూ పది నిమిషాల పాటు వేయించుకోవాలి. వేగేటప్పుడు కమ్మనివాసనవచ్చేదాకావేయించాలి.
3. బాదం పప్పును మిక్సీలో వేసుకొని పొడి పొడిగా (కొంచెం గరుకుగా) చేసుకోవాలి.
4. ఇప్పుడు వేయించి పెట్టుకొన్న శెనగపిండిని ఒక గిన్నెలోనికి తీసుకొని అందులో బాదం పొడిని వేసి బాగా మిక్స్ చేసుకోవాలి.
5. ఈ మిశ్రమం కొద్ది సేపు పక్కన పెట్టే చల్లారనివ్వాలి.
6. పది నిమిషాల తర్వాత పంచదార పొడి కలపి బాగా కలగలిపి, నెయ్యి కూడా వేసి బాగా మిక్స్ చేసి కావలసిన సైజులో లడ్డులను వత్తుకోవాలి. అంతే బాదం బేసన్ లడ్డు రెడీ. వీటిని గాలి చొరవడని ఒక బాక్స్ లేదా బాటిల్స్ నింపుకొంటే ఒక వారం పాటు నిల్వ ఉంటాయి.