స్పైసీ అండ్ క్రిస్పీ ఎగ్ చిల్లీ

Snacks

oi-Saraswathi

By Sindhu

Published: Thursday, October 18, 2012, 17:24 [IST]

సాధారణంగా గుడ్డుతో చాలా వెరైటీలనే చేస్తుంటాం. అయితే ఎన్నీ వెరైటీలను చేసి గుడ్డు టేస్ట్ అన్ని వైరటీలకు అనుబంధంగా ఉంటుంది. గుడ్డులో ఉన్న పచ్చసొన, తెల్ల సొన విడువలేని ఆస్వాదన. చిటికెలో ఆకలి తీర్చేది గుడ్డు, హఠాత్తుగా ఊడిపడే అతిథులకు ఆతిథ్యం ఇచ్చేది గుడ్డు. చికెన్, మటన్ లేకున్నా ఉడికించిన గుడ్డును వెరైటీగా చేసి అందించడం. టేస్టీ టేస్టీగా...

కావలసిన పదార్థాలు:
కోడిగుడ్లు: 4 (ఉడికించి, పై పొట్టు తీసినవి)
పచ్చిమిర్చి పేస్ట్: 1tsp
పండు మిర్చి పేస్ట్: 1tsp
ఉల్లిపాయ తరుగు: 2tbsp
అల్లం: చిన్న ముక్క (పై పొట్టు తీసి సన్నగా తరగాలి)
వెల్లుల్లి రెబ్బలు: 2 (పై పొట్టు తీసి సన్నగా తరగాలి)
చింతపండు గుజ్జు: 2tbsp
ఉప్పు: రుచికి తగినంత
వంటసోడా: చిటికెడు
సోయా సాస్: 1tsp
నూనె: వేయించడానికి సరిపడా

తయారు చేయు విధానం:
1. ముందుగా పాన్ లో నూనె పోసి వేడయ్యాక గుడ్లను మెల్లగా వేసి పైనంతా గోధుమరంగు వచ్చేవరకు వేయించి, తీసి పక్కన పెట్టాలి.
2. తర్వాత విడిగా మరో పాన్‌లో కొద్దిగా నూనె వేసి వేడయ్యాక అల్లం, వెల్లుల్లి తరుగు వేయించాలి. తర్వాత ఉల్లిపాయలు వేసి వేగనివ్వాలి.
3. ఇప్పుడు అందులో పండుమిర్చి పేస్ట్, పచ్చిమిర్చి పేస్ట్ వేసి నిమిషం పాటు వేయించాలి. దానికి సోయా సాస్, చింతపండు గుజ్జు, ఉప్పు వేసి ఉడికించి స్టౌ కట్టేయాలి.
4. ఆ మిశ్రమంలో వేయించిన గుడ్లకు సాస్ పూసి వేయాలి. చైనీస్ రైస్, రోటీ లేదా పరోఠాలోకి ఈ చిల్లీ ఎగ్ కాంబినేషన్ రుచిగా ఉంటుంది. గుడ్డు ఇష్టపడనివాళ్లు దీనికి బదులుగా బంగాళదుంపలు వాడి చిల్లీ పొటాటో చేసుకోవచ్చు.