ఎగ్ కబాబ్ - మాన్ సూన్ స్పెషల్ స్నాక్

Published: Thursday, August 30, 2012, 16:36 [IST]

ఎగ్ వెరైటీ వంటకాల్లో ఇది చాలా టేస్ట్ వంటకం. కబాబ్ రుచుల్లో ఇది ఒక అద్భుతమైన టేస్ట్ ను మీకు అందిస్తుంది. ప్రతి రోజూ గుడ్డు తినేవారికి ఇది చాలా మంచి పౌష్టికాహారం. ఈ వంటకం చేయడం కూడా చాలా సులభం. ఈ కబాబ్ లను ఈవెనింగ్ స్నాక్ గా మాత్రమే కాదు, వర్షాకాలంలో వేడి వేడి టీతో తింటే భలే రుచికగా ఉంటాయి. పిల్లల నుంచి పెద్దల దాకా గుడ్డు పౌష్టికాహారము అన్న సంగతి అందరికీ తెలిసిన విషయమే. ఎదిగే పిల్లలకు చాలినన్ని ప్రోటీన్లు అందజేస్తుంది . పోషకాహారలేమితో బాధపడేవారిని రోజుకో గుడ్డు తినాల్సిందిగా సలహాలిస్తుంటారు . మాంసకృత్తులు సమృద్ధిగా ఉంటాయి . కండపుష్టికి , కండర నిర్మాణానికి ఎంతో మేలు . తేలికగా జీర్ణము కావుగనుక తొందరగా ఆకలివేయదు.

కావలసిన పదార్థాలు:
గుడ్లు: 4(బాగా ఉడికించినవి)
శెనగపిండి: 2tbsp
ఉల్లిపాయ: 1(చిన్న ముక్కలుగా కట్ చేసినవి)
గుడ్డు: 1(తెల్లసొన మాత్రం)
పుదీనా: 1tbsp(సన్నగా తరిగి పెట్టుకోవాలి)
కొత్తిమీర: 1tbsp(సన్నగా తరిగి పెట్టుకోవాలి)
కారం: 1tsp
బ్లాక్ పెప్పర్ పౌడర్: 1tsp
ఉప్పు: రుచికి సరిపడా
నూనె: వేయించడానికి తగినంత

తయారు చేయు విధానం:
1. ముందుగా గుడ్లను ఉడికించి, పొట్టు తీసి, కావలసిన సైజులో(చిన్నవిగా ఉంటేనే కట్ లెట్ కబాబ్ టేస్ట్ గా ఉంటుంది) కట్ చేసి పక్కన పెట్టుకవాలి.
2. నూనె తప్పు మిగిలిన పదార్థాలన్నింటిని, ఉడికించిన గుడ్డుముక్కలతో, మరో గుడ్డులోని పచ్చసొనను కూడా ఒక మిక్సింగ్ బౌల్ లో వేసి బాగా మిక్స్ చేసి పక్కన పెట్టుకోవాలి.
3. ఇప్పుడు ఈ మిశ్రమాన్ని పదిబాగాలుగా లేదా ఉండలుగా చేసుకోవాలి.
4. తర్వాత వీటన్నింటిని కట్ లెట్(వడలాగా) వత్తుకొని పక్కన పెట్టుకోవాలి.
5. ఇప్పుడు స్టౌ మీద పాన్ పెట్టి అందులో నూనె పోసి వేడిఅయ్యాక అందులో వత్తి పెట్టుకొన్న కట్ లెట్ కబాబ్ లను వేసి రెండు వైపులా దోరగా, బ్రౌన్ కలర్ వచ్చేంత వరకూ వేయించుకోవాలి. అంతే ఎగ్ కబాబ్ రెడీ. ఈ ఈవెనింగ్ స్నాక్ ను ఉల్లిపాయ చక్రాలతో లేదా పుదీనా చట్నీత్ వేడి వేడిగా సర్వ్ చేయండి.