డేట్స్ , బాదం & హనీ బాల్స్-స్వీట్ అండ్ హెల్తీ

బాదం, ఖర్జూరం, తేనె ఒక అద్భుతమైన ట్రీట్ అనిచెప్పవచ్చు. ఎందుకంటే ఇది నోటికి రుచిని మాత్రమేకాదు, మన ఆరోగ్యానికి సంపూర్థ లాభాలను కూడా చేర్చుతుంది. ఈ బాదం, ఖర్జూరం, తేనెతో తయారుచేసే ఈ స్పెషల్ స్వీట్ బాల్స్ ఒక బలవర్థకరమైన ఆహారం. పిల్లలకు, పెద్దలకు ఒక మంచి పౌష్టికాహారం అని చెప్పవచ్చు. తక్షణ శక్తిని అంధించే ఒక మంచి ఈవెనింగ్ స్నాక్ గా కూడా పిలవచ్చు.

చాలా సింపుల్ గా, చిటికెలో తయారుచేసే స్నాక్ ఐటమ్స్ లో ఇది ఒకటి. అంతే కాదు, ఏ సమయంలోనైనా నిరభ్యతంరంగా తినవచ్చు. లంచ్ బాక్స్ లో కూడా సర్వ్ చేసి సర్ ప్రైజ్ చేయవచ్చు. ఇంటికి అథితులు వస్తే. ఒక కొత్త రుచిని అంధించవచ్చు. మరీ ఈ గ్రేట్ హెల్తీ స్నాక్ ఎలా తయారుచేయాలో చూద్దాం...

కావలసిన పదార్థాలు:
ఖర్జూరాలు: 1cup
బాదం: 1/2cup
నువ్వులు: 1/2cup(వేయించినవి)
ఎండుకొబ్బరి తురుము : 1/2cup
కొబ్బరి పొడి : 1/2cup
తేనె : మిశ్రమాన్ని బాల్స్ చేయడానికి తగినంత

తయారు చేయు విధానం:
1. ముందుగా బాదం పప్పును, కొబ్బరి తురుము, నువ్వులను కలిపి మిక్సీలో వేసి బరకగా గ్రైండ్ చేసి పొడి చేసుకోవాలి(పొడి కాకూడదు, పలుకుగా ఉండాలి).
2. తర్వాత అందులో ఎండు ఖర్జూరంలోని గింజలు తీసివేపి ఖర్జూరం తొనలు వేసి మరొకసారి గ్రైండ్ చేసుకోవాలి.
3. ఇప్పుడు ఈ మిశ్రమాన్నిగిన్నెలోకి తీసుకుని అందులో తేనె కలిపి లడ్డూలుగా చేయాలి.
4. తర్వాత ఈ లడ్డూలను కొబ్బరి పొడిలో అద్దాలి. లడ్డూకు అన్నివైపులా కొబ్బరి పొడి పట్టేటట్లు చూడాలి. ఇది చాలా బలవర్ధకమైన ఆహారం.
అంతే డేట్స్, బాదం, హనీ లడ్డు రెడీ.