హోలీ స్పెషల్ రంగుల కలాకండ్

Published: Saturday, March 19, 2011, 14:47 [IST]

కావలసిన పదార్థాలు:
పనీర్ : 500 grm
మిల్క్ మెయిడ్ : 400grm
పాల పొడి : 2cups
కుంకుమ పువ్వు : చిటికెడు(కలర్ కోసం ఒక టీ స్పూన్ వేడి పాలలో వేసి ఉంచాలి)
నెయ్యి : 1tsp
బాదం: 4 (నానబెట్టి ఒలిచి పలుచగా తరగాలి)
పిస్తా : 1tsp

తయారు చేయు విధానము:
1. పనీర్‌ ను మెత్తగా పొడి అయ్యేటట్లు చేత్తో చిదమాలి. అందులో మిల్క్‌మెయిడ్, పాల పొడి కలపాలి.
2. తర్వాత ఈ మిశ్రమాన్ని అడుగు మందంగా ఉన్న పాత్రలో వేసి సన్న మంట మీద గరిటెతో కలుపుతూ ఉడికించాలి. మిశ్రమం దగ్గరగా అయిన తర్వాత దించి దానిని మూడు భాగాలుగా చేయాలి.
3. ఇప్పుడు ఒక భాగంలో కుంకుమ పువ్వు కలిపిన పాలను వేసి సమంగా పట్టేటట్లు కలిపితే ఆరెంజ్ కలర్‌ లోకి వస్తుంది.
4. తర్వాత ఒక ట్రేలో నెయ్యి రాసి ముందుగా రంగు కలపని కలాకండ్ మిశ్రమాన్ని వేసి సమంగా సర్దాలి. దాని మీద కుంకుమ పువ్వు కలిపిన మిశ్రమాన్ని వేసి సర్దాలి. ఆ పైన మళ్లీ రంగు వేయని మిశ్రమాన్ని వేయాలి.
5. ఫైనల్ గా బాదం, పిస్తాలతో గార్నిష్ చేయాలి. కలాకండ్ పూర్తిగా చల్లారి గట్టిపడిన తర్వాత కావలసిన షేప్‌ లో కట్ చేయాలి. అంతే రంగుల కలకండ్ రెడీ .